Әһли Бејт -АБНА- хәбәр аҝентлијинин вердији хәбәрә әсасән Пакистанда гәзәбли инсан күтләси Гураны јандырмагда шүбһәли билинән кишини дири-дири јандырыб.
Мәсҹид имамы Маулви Мемонун сөзләринә ҝөрә, һадисә өлкәнин ҹәнубундакы Синдһ вилајәтиндә јерләшән Шиита кәндиндә баш вериб. О, һәмин шәхсин јолчу олдуғуну вә ҝеҹәни кәнд мәсҹидиндә кечирдијини дејиб.
О билдириб: “Бүтүн ҝеҹә мәсҹиддә тәк иди. Белә горхунҹ бир иши ҝөрәҹәк башга һеч ким јох иди”.
Кишинин Гураны јандырдығына ҝөрә сахландығы еһтимал олунур. Сакинләр әввәлҹә јолчуну дөјүб, сонра полисә тәслим едиб. Даһа сонра 200-ә јахын инсан полис бөлмәсинә һүҹум едиб, шүбһәли шәхси бинадан чыхарыб вә дири-дири јандырыблар. Арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
