Әһли Бејт -АБНА- хәбәр аҝентлијинин вердији хәбәрә әсасән Теһранын буҝүнкү ҹүмә намазы хәтиби Ајәтуллаһ Мәһәммәд Имами Кашани һеҝемончулуг гурулушунун дүнја халгларына гаршы зүлм вә зоракылыгларына ишарә едәрәк, дејиб: Бу зүлм вә зоракылыг реҝионда Ислами Ојаныша вә дүнјада үмуми ојаныша сәбәб олуб. Бу һәрәкәтин давам етмәси үчүн исә ону мәнәви вә мадди бахымдан һимајә етмәк зәрури бир мәсәләдир.
Ајәтуллаһ Имами Кашани Ислам Мәктәбини дүнјаны идарә вә халглары зүлм вә зоракылыгдан хилас едә биләҹәк јеҝанә мәктәб адландырыб вә дејиб: Бәзиләри Ислами Ојанышы өз јолундан јајындырмаға чалышырлар. Амма, һеч вахт онлар өз истәкләринә наил ола билмәјәҹәкләр. Чүнки, Ислами Ојаныш ҝенишләнмәкдәдир.
Теһранын ҹүмә намазы хәтиби Гәрбин мадди бахымдан өзүнү тәҹһиз етдијинә вә бу јолла да реҝионда өз нәһс програмларыны јеринә јетирмәјә сәј ҝөстәрдијинә ишарә едәрәк, дејиб: Елм вә сәнајенин инкишаф етмәси илә Гәрбин фитнәләринин гаршысыны алмаг олар.
Ајәтуллаһ Имами Кашани һабелә, Иранын елм, сәнаје вә технолоҝија саһәләриндәки инкишафларына ишарә едәрәк дејиб: Бу инкишаф Ислам Ингилабынын Бөјүк Рәһбәринин дедији кими давам етдирилмәлидир ки, дүшмәнләрин Иран халгына гаршы фитнәләри зәрәрсизләшдирилсин.
Теһранын мүвәггәти имам ҹүмәси Фәләстин вә Сурија олајларына һабелә, Гәрбин мүсәлманлара гаршы тәзјигләринә ишарә едәрәк, дејиб: Сәј ҝөстәрмәк лазымдыр ки, Сурија вә Фәләстин халгларынын проблемләри өз һәллини тапсын.
Ајәтуллаһ Имами Кашани даһа сонра Имам Муса Казым(ә)-ын сәадәтли мөвлуд ҝүнү мүнасибәтилә намаз иштиракчыларыны тәбрик едиб вә о һәзрәтин хүсусијјәтләринә ишарә едәрәк, дејиб: Ислам Дүнјасы Имамлар кими бөјүк шәхсијјәтләрин варлығына ҝөрә фәхр етмәлидир.
Диггәт: Хәбәрдән истифадә етдикдә мәнбәјә истинад лазымдыр
