Әһли Бејт -АБНА- хәбәр аҝентлијинин вердији хәбәрә әсасән әлијевләр сүлаләси тәрәфиндән Мехикода јерләшдирилән Һејдәр Әлијевин бүтү үзәриндәки галмагал сәнҝимәк билмир. Белә ки, Азәрбајҹандан хариҹдә јашајан вәтәндашлар да Азәрбајҹан игтидарынын бу аддымыны гынајараг Мехико дөвләтинә мүраҹиәт едибләр. Мүраҹиәтин сајтымызын зијарәтчиләринә тәгдим едирик:
Һөрмәтли, мер Ебрард,
Һөрмәтли, президент Лил,
Һөрмәтли, Мехико һөкумәтинин үзвләри
Өз тәшкилатымын вә бүтүн һәмфикирләримин адындан Мехико һөкумәтинин тәшкил етдији вә Азәрбајҹан диктатору Һејдәр Әлијевин һејкәлинин шәһәрдәки парклардан бириндән ҝөтүрүлмәсини төвсијә едән комиссијанын гәрарыны алгышламаг истәрдим.
Мән сизин гәрара ҹаваб олараг Азәрбајҹан һөкумәтинин паркын јенидән гурулмасына хәрҹләнән пуллары ҝери тәләб етмәси, Азәрбајҹан сәфирлијинин бағланмасы вә нефт сәнајесинә инвестисијаларын ләғви илә һәдәләмәсиндән һиддәтләндијимизи билдирирәм.
Хошбәхтликдән, дүнјадакы азад адамларын һәмрәј олмасы вә хош мәрамы коррупсијаја уғрамыш диктатураларын һакимијјәт вә пулундан даһа чох ҝүҹлүдүр һәм мәнәви, һәм мадди бахымдан.
Әминәм ки, Азәрбајҹан һакимијјәти Мехико меријасыны горхуда билмәјәҹәк вә сизин шәһәрин мәғрур сакинләри хариҹи режимин онлара өз паркларында нә етмәк лазым ҝәлдијини дигтә едә билмәсинә јол вермәјәҹәк.
Әввәлки мәктубумда хатырлатдығым кими, Һејдәр Әлијев иҹтимаи паркларда вә бағларда абидәси гојулмаға лајиг адам олмајыб. О, демократијанын дүшмәни, коррупсијанын баш алыб ҝетмәсинә, Азәрбајҹан халгынын һүгуг вә азадлыгларынын кобуд шәкилдә позулмасына ҹавабдеһ олуб.
Азәрбајҹанда бөјүмүш, Мексика вә онун халгы һаггында илкин мәнбәдән мәлумат алмаг нәсиб олмуш бир адам кими ҝүман едирәм ки, Мексикада вә Азәрбајҹанда нормал адамлар, азадлығы вә инсан һүгугларыны дәјәрләндирәнләр бу һејкәлин тезликлә сизин ҝөзәл шәһәриндән ҝөтүрүлмәсини гијмәтләндирәҹәкләр.
Һөрмәтлә,
Елмар Шаһтахтински
Америка Азәрбајҹанлылары Демократија Уғрунда Ҹәмијјәти (АЗАД)
Диггәт: Хәбәрдән истифадә етдикдә мәнбәјә истинад лазымдыр
