Әһли Бејт -АБНА- хәбәр аҝентлијинин вердији хәбәрә әсасән Декабрын 22-дә Азәрбајҹан Ислам Партијасынын өлкәдә сијаси фәалијјәтинин 20 иллији мүнасибәтилә јубилеј мәрасими кечириләҹәк.
Тәдбирдә өлкәнин танынмыш иҹтимаи-сијаси хадимләри, хариҹи өлкәләрин дипломатик нүмајәндәләри иштирак едәҹәк.
АИП-ин өтән 20 ил әрзиндә өлкәмизин иҹтимаи-сијаси һәјатында ролу, гардаш вә дост мүсәлман өлкәләрлә меһрибан мүнасибәтләрин даһа да јахшылашмасы истигамәтиндәки фәалијјәти барәдә тәдбирдә чыхышлар динләниләҹәкдир.
Јығынҹаг иштиракчыларына АИП-ин 20 иллик фәалијјәтиндән, Азәрбајҹанда сијаси Ислам әнәнәсинин јаранмасындан бәһс едән мүхтәлиф тәбәгәләрдән олан инсанларын фикир вә хатирәләринин дахил олдуғу “Кечмишдән ҝәләҹәјә” китабы тәгдим олунаҹаг.
Диггәт: Хәбәрдән истифадә етдикдә мәнбәјә истинад лазымдыр
