Әһли Бејт -АБНА- хәбәр аҝентлијинин вердији хәбәрә әсасән Бу ҝүн футбол үзрә Азәрбајҹан чемпионатында ХVII тура старт верилиб. Апаспорт.аз сајтынын мәлуматына ҝөрә, 3 ҝүн давам едәҹәк турун илк гаршылашмасы Ләнкәранда баш тутуб.
Турун мәркәзи матчында “Хәзәр Ләнкәран” “Нефтчи”ни гәбул едиб. Принсипиал рәгиби илә хал фәргини арадан галдырмаға чалышан мејдан саһибләри еркән голла һесабы ачыблар. Күнҹ зәрбәсиндән сонра Дмитриос Сиалмас фәргләниб.
Бу голдан сонра ләнкәранлылар бир нечә дәфә 2-ҹи голу вурмаг имканы әлдә едибләр. Лакин сон ојунларда олдуғу кими, јенә дә ҹәнублулар бу шанслардан јарарлана билмәјибләр.
Әвәзиндә гонаглар бәрабәрлик голу вурублар. “Нефтчи” буна пеналти зәрбәсиндән сонра наил олуб. Фариз Јусифовун тәјин етдији зәрбәни Орхан Садыглы дәф етмәји баҹарса да Николас Каналес тәкрар зәрбә илә һесабы бәрабәрләшдириб.
Бундан сонра да бир нечә гол имканыны гачыран “Хәзәр Ләнкәран” јалныз матчын сонларында истәјинә чатыб. “Нефтчи”нин мүдафиәчиси Маһир Шүкүровла гапычы Саша Стаменковичин кобуд сәһвиндән сонра Адриан Пит командасына гәләбә газандыран топу вуруб.
Гәләбә сајәсиндә халларынын (24) сајыны “Нефтчи”јә чатдыран ҹәнублулар шәхси ҝөрүшләрдә дә бәрабәрлијә (1:2, 2:1) наил олуб. Јалныз гәләбә сајындакы үстүнлүјә ҝөрә сон чемпион 5-ҹи, “Хәзәр Ләнкәран” 6-ҹы пилләдә галыб.
14 декабр (ҹүмә)
“Хәзәр Ләнкәран” – “Нефтчи” - 2:1
ГОЛЛАР: Сиалмас, 7; Адриан Пит, 84 - Каналес, 52 (пеналтидән)
Һакимләр: Фариз Јусифов, Азәр Әсҝәров, Рза Мәммәдов, Рамиз Мәһәррәмов
Ләнкәран шәһәр мәркәзи стадиону
“Хәзәр Ләнкәран”: 25. Орхан Садыглы, 3. Вандерсон Скардуелли, 5. Елнур Аллаһвердијев, 6. Роберто Алвиз, 9. Бранимир Субашич, 10. Елнур Абдуллајев, 11. Дмитриос Сиалмас, 14. Раһид Әмиргулијев (к), 16. Адриан Пит, 21. Радомир Тодоров, 27. Мануел Скарлатаке
Еһтијат ојунчулар: 85. Камал Бајрамов, 4. Акиф Тағыјев, 7. Садио Тоункара, 17. Казым Казымлы, 20. Елнур Ҹәфәров, 42. Камран Абдуллазадә, 55. Ағабала Рамазанов
Баш мәшгчи: Карлес Бакес
“Нефтчи”: 30. Саша Стаменкович, 4. Тәрлан Гулијев, 5. Игор Митрески, 6. Рәшад Садигов (к), 9. Флавио Алекс Валенсио, 10. Жулиус Вобај, 11. Николас Каналес, 15. Ерик Рамос, 16. Бруно Бертуччи, 22. Маһир Шүкүров, 25. Ҹавид Имамвердијев
Еһтијат ојунчулар: 12. Емил Балајев, 14. Баһодир Насимов, 17. Араз Абдуллајев, 19. Мирһүсејн Сејидов, 20. Ешгин Гулијев, 28. Емин Меһдијев, 32. Елвин Јунусзадә
Баш мәшгчи: Бөјүкаға Һаҹыјев
“Нефтчи” азаркешләри галмагал дүшүб.
Топаз Премјер Лигасынын бу ҝүн кечирилән “Хәзәр Ләнкәран” – “Нефтчи” ојуну заманы галмагал јараныб. Апаспорт.аз сајтынын мәлуматына ҝөрә, мејдан саһибләринин 1:0 һесабы илә галиб ҝәлдији илк һиссәдән сонра фасиләдә дава дүшүб.
Белә ки, “Нефтчи” командасынын азаркешләри отураҹаглары сындырараг, “Хәзәр Ләнкәран” азәркешләринә атмаға башлајыблар. Араны сакитләшдирмәк үчүн “Хәзәр Ләнкәран”ын витсе-президенти Тујгун Надиров ишә гарышыб. О, пајтахт тәмсилчисинин рәһбәрлијиндән азаркешләрини сакитләшдирмәји тәләб едиб.
Һәмин анда мејдана фишәнҝ дә атылыб. Полисләр “Нефтчи” фанатларыны сакитләшдирмәјә чалышса да, онлар стадионун отураҹагларыны сындырыб, әкс дүшәрҝәјә атыблар.
Диггәт: Хәбәрдән истифадә етдикдә мәнбәјә истинад лазымдыр
