Әһли Бејт -АБНА- хәбәр аҝентлијинин вердији хәбәрә әсасән Милли Мәҹлис декабрын 11-дә нөвбәти пленар иҹласыны кечирәҹәк. Иҹласын әсас маһијјәти Азәрбајҹан Республикасынын Иран Ислам Республикасына гаршы бејнәлхалг санксијаларын тәтбиг едилмәсиндә јахындан иштирак етмәсидир.
Белә ки, кечириләҹәк иҹласынын ҝүндәлијинә 25 мәсәлә дахилдир. Парламентдән верилән мәлуматда ҝүндәлијә тәклиф олунан мәсәләләрин сијаһысы ачыгланыб.
Сијаһыда диггәт чәкән әсас мәсәлә Азәрбајҹанын ИИР илә сәрһәдјаны рајонларында јашајан вәтәндашлар үчүн садәләшдирилмиш сәрһәд гајдаларынын ләғвинин ҝүндәлијә чыхарылмасыдыр.
Азәрбајҹан парламенти 11 декабр 2012тарихдә "Азәрбајҹан Республикасы илә Иран Ислам Республикасы арасында сәрһәдјаны рајонларда јашајан Азәрбајҹан Республикасы вә Иран Ислам Республикасы вәтәндашларынын садәләшдирилмиш гајдада сәрһәди кечмәләри һаггында" Меморандумун тәсдиг едилмәси барәдә" Азәрбајҹан Республикасынын 2005-ҹи ил 5 апрел тарихли 879-IIQ нөмрәли Ганунунун ләғв едилмәси һаггында Азәрбајҹан Республикасы ганунунун лајиһәси барәдә сәнәди мүзакирә едәҹәк.
Бу исә о демәкдир ки, Азәрбајҹан вә Иран Ислам Республикасы арасындакы сәрһәд хәттиндән Азәрбајҹан тәрәфә доғру 45 км мәсафәдә јашајан сакинләрин индијәдәк истифадә етдији ҝүзәшт ләғв едилир.
Хатырладаг ки, индијәдәк Иран Ислам Республикасы, Азәрбајҹан Республикасы илә олан виза режимин бир тәрәфли ләғв едәрәк Азәрбајҹан Республикасы вәтәндашларынын Иран Ислам Республикасына ҝәлишини асанлашдырыб. Рәсми Теһранын бу аддымы Азәрбајҹан вәтәндашларынын ИИР ҝедиш вә ҝәлиши даһада садәләшиб. Артыг тәкҹә сәрһәдјаны рајонларда јашајан Азәрбајҹан Республикасы вәтәндашлары дејил бүтүн АР вәтәндашлары ИИР-а ҝедә билирләр. Амма Азәрбајҹан Республикасы ИИР вәтәндашлары үчүн виза режимин һәләдә гүввәдә сахлајыр. Бунунла кифајәтләнмәјән Азәрбајҹан Республикасы АР-а садәләшдирилмиш гајдаларла ҝедиб-ҝәлә билән ИИР (Тәбриз, Урмијә, Әрдәбил, Ҝилан) азәриләринин ҝәлишинә дә гадаға тәтбиг едир
Милли Мәҹлисин декабрын11-дә ҝүндәлијә чыхараҹағы 25 мәсәләнин 11 вә 12-ҹи бөлүмләри ашағыдакылардыр.
11. "Азәрбајҹан Республикасы Һөкумәти илә Иран Ислам Республикасы Һөкумәти арасында сәрһәдјаны рајонларда јашајан Азәрбајҹан Республикасы вә Иран Ислам Республикасы вәтәндашларынын садәләшдирилмиш гајдада сәрһәди кечмәләри һаггында" Меморандумун тәсдиг едилмәси барәдә" Азәрбајҹан Республикасынын 2005-ҹи ил 5 апрел тарихли 879-IIQ нөмрәли Ганунунун ләғв едилмәси һаггында Азәрбајҹан Республикасы ганунунун лајиһәси барәдә.
12. "Азәрбајҹан Республикасы Һөкумәти вә Иран Ислам Республикасы Һөкумәти арасында Азәрбајҹан Республикасынын Нахчыван Мухтар Республикасында даими јашајан вәтәндашлары вә Иран Ислам Республикасы вәтәндашлары үчүн садәләшдирилмиш гајдада ҝедиш-ҝәлиш һаггында" Меморандумун тәсдиг едилмәси барәдә" Азәрбајҹан Республикасынын 2006-ҹы ил 1 март тарихли 67-IIIQ нөмрәли Ганунунун ләғв едилмәси һаггында Азәрбајҹан Республикасы ганунунун лајиһәси барәдә.
Диггәт: Хәбәрдән истифадә етдикдә мәнбәјә истинад лазымдыр
