Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын мүдафиә назири, ҝенерал-мајор Әһмәд Ваһиди билдириб: “АБШ пилотсуз тәјјарәнин онлара мәхсус олдуғуну тәсдигләјиб вә нүмајиш етдирдикләри давраныш да буну сүбут едир”.
Назир АБШ-ын Фарс көрфәзиндәки фәалијјәтләринә тохунараг, Иран Ислам Республикасынын бөлҝәдәки хариҹи гүввәләрин ҹәһдләринә һәссаслыг ҝөстәрдијини вә лазыми хәбәрдарлығы заманында вермәси ваҹиб олдуғуну вурғулајыб.
Иран Ислам Республикасы сәрһәдләри һәр һансы бир өлкә тәрәфиндән позулдуғу заман проблем чыхаҹағыны дејән Ә. Ваһиди бу вәзијјәтдә рәсми Теһран лазыми хәбәрдарлыглары едәрәк мәктуб белә ҝөндәрәҹәјини сөјләјиб.
Назир Азәрбајҹан пилотсуз тәјјарәләринин Иран Ислам Республикасы сәрһәдләриндә учмасы илә бағлы суала ҹавабында исә бунунла бағлы һәләлик һансыса бир мәлумата малик олмадыгларыны дејәрәк, Иран Ислам Республикасы илә Азәрбајҹанын әлагәләринин јүксәк сәвијјәдә олдуғуну билдириб.
Гејд едәк ки, дүнән ИИР-нын “Пресс ТВ” телеканалы Азәрбајҹанла тәҹавүзкар Исраил режиминин пилотсуз тәјјарәләринин ИИР вә Дағлыг Гарабағ үзәриндә учмасы барәдә хәбәр вериб.
Хәбәрдә Азәрбајҹанын сәрһәд бөлҝәләринин тәһлүкәсизлији вә әразијә нәзарәт етмәк үчүн УАВ типли пилотсуз тәјјарәләрдән истифадә етдији гејд олунуб.
Диггәт: Хәбәрдән истифадә етдикдә мәнбәјә истинад лазымдыр
