Әһли Бејт -АБНА- хәбәр аҝентлијинин вердији хәбәрә әсасән Түркијәнин Өзҝүр-дер инсан һагглары тәшкилатындан верилән мәлумата әсасән, Түркијәдә университетләрдә тәтбиг олунан һиҹаб гадағасына етираз олараг аксија кечирилиб.
Өзҝүр-Дер Университет Ҝәнҹлијинин Түркијәнин Дијарбакыр шәһәриндә јерләшән Дәҹлә Университети фән-Әдәбијјат Факүлтәси гаршысында реаллашдырдығы аксијада, тәләбәләр һиҹаба гојулмуш гадағанын ҝөтүрүлмәси тәләби илә плакатлар галдырыб, шүарлар сәсләндирибләр.
Аксијада мәтбуат ачыгламасыны Өзҝүр-Дер Университет Ҝәнҹлији адына Һәҹәр Ҝөзчү адлы һиҹаблы тәләбә едиб.
О билдириб ки: "АКП һөкумәтинин игтидара ҝәлдији ҝүндән бу ҝүнә гәдәр, имам хәтиб лисејләриндән башга мәктәбләрдә вә ҹәмијјәт тәшкилатларында һиҹаб гадағасыны давам етдирәрәк инанҹлы инсанларын һүгугларыны тапдалајыр. АКП һөкумәти, инанҹ истисмарына сон вермәлидир. Һиҹаблы инсанларын һүгуглары бәрпа олунмалыдыр ."
Аксија сонунда бәјанат охунуб вә һиҹаб гадағасы писләнилиб.
Гејд едәк ки, аксија заманы гаршыдурма јашанмајыб.
Диггәт: Хәбәрдән истифадә етдикдә мәнбәјә истинад лазымдыр
