Әһли Бејт -АБНА- хәбәр аҝентлијинин вердији хәбәрә әсасән Мисирин бир сыра вандал вәһабиләри, пајтахт Гаһирәнин Шимали Шәргиндә јерләшән әл-Мәрҹ мәнтәгәсиндә, биринҹи Имам, Әли ибн Әбу Талибин (әлејһимәс сәлам) сәдагәтли сәһабәси олан, Млик Әштәрин (ризвануллаһи тәала әлејһ) мүгәддәс мәзарын виран етмәк истәсәләр дә, лакин өз чиркин нијјәтләринә чата билмәмишләр.
Бу һаггда Мисир Шиәләринин Лидери Муһәммәд әл-Дурејни хәбәр вериб. О, билдириб ки, һадисә Ашура ҝүнүндән аз өнҹә баш версә дә, лакин Мисирдә баш верән гаршыдурмалара ҝөрә, хәбәри медиа ишығына верилмәмишдир.
Муһәммәд әл-Дурејни бу һаггда дејир: “Һадисәдән өнҹә вәһаби вә сәләфиләр, онларын рәһбәрләри мәгбәрәни виран едәҹәкләрини билдирмишләр. Лакин онларын бүтүн сәјләри әл-Мәрҹ мәнтәгәси әһалисинин ҝөстәрдикләри мүгавимәтләр сајәсиндә пуча чыхмышдыр.”
Мисир Шиәләринин Лидери даһа сонра гејд едиб: “Биз вә әл-Мәрҹ мәнтәгәсиндә јашајан әһали, сон һәддә ҹән вәһаби вә сәләфиләрин ҹинајәтләри гаршысында дурдуг. Биз Мисир полисиндән бизә јардым едиб ҹинајәткар сәләфиләри вә вәһабиләрин һәбс етмәсини истәсәк дә полис бу һаггда һеч бир лазыми аддымлары атмады...”
Диггәт: Хәбәрдән истифадә етдикдә мәнбәјә истинад лазымдыр
