Әһли Бејт -АБНА- хәбәр аҝентлијинин вердији хәбәрә әсасән Мәһәррәм ајынын бешинҹи ҝүнүндә чыхыш едән Ливан Һизбуллаһ Мүгавимәт Тәшкилатынын Баш Катиби Сејјид Һәсән Нәсруллаһ Гәззә мәсәләсинә дә тохунуб.
О, әрәб лигасынын Гәззә мәсәләсиндәки пассивлијинә ишарә едәрәк дејиб: “Гәтәрин хариҹи ишләр назири Гаһирәдә кечирилән сон ҝөрүшдә белә билдириб: “Бизим фәләстинлиләрә ҝүҹүмүз јетәринҹәдән артыг үмүд бәсләмәјимиз доғру дејилдир...”.”
Сејјид Һәсән Нәсруллаһ даһа сонра дејиб: “Гәтәрин хариҹи ишләр назири етираф едиб ки, бәзи әрәб өлкәләри Гәззәнин мүһасирәдә сахландығы заман, Гәззә әлејһинә апарылан чалышмаларда иштирак едибләр”.
Һизбуллаһын Баш Катиби даһа сонра дејиб: “Бу арада белә бир дүшүндүрүҹү суал ортаја чыхыр; Гәззәнин мүһасирәдә олдуғу һалда, бу һәҹимдә ағыр чәкили силаһлар, неҹә вә ким тәрәфиндән Гәззәјә ҝөндәрилиб? Сөзсүз ки, Иран Ислам Республикасы вә Суријанын ролу бу ишдә инкар едилмәздир...”.
Сејјид Һәсән Нәсруллаһ даһа сонра дејиб: “Бу ҝүн бүтүн сәрһәдләрин ачылыб Гәззәјә силаһ дашынмасы ән ваҹиб мәсәләләрдәндир”
Һизбуллаһ Мүгавимәт Тәшкилатынын Баш Катиби даһа сонра Түркијә вә әрәб өлкәләринин Сурија јарарлыларына етдикләри силаһлы јардымлара ишарә едәрәк дејиб: “Әрәб өлкәләри ҝәми долусу силаһлары Суријалы террористләрә өтүрүрләр. Амма бирҹә әдәд ҝүллә дәнәсини белә, Гәззәјә ҝөндәрмәкдән ваз кечирләр”.
Диггәт: Хәбәрдән истифадә етдикдә мәнбәјә истинад лазымдыр
