Әһли Бејт -АБНА- хәбәр аҝентлијинин вердији хәбәрә әсасән “Јени Шәрг” Арашдырмалар Мәркәзи Гәззада баш верән сон ганлы һадисәләрлә бағлы бәјанат јајыб. Бәјанатда ишғалчы Исраилин Гәззада төрәтдији ҹинајәтләр писләнилир вә дүнја дөвләтләриндән, дүнја халгларындан, еләҹә дә инсанлыға дәјәр верән һәр бир кәсдән бу ганлы тәҹавүзкарлығын гаршысынын алынмасы үчүн сәфәрбәр олунмасы истәнилир.
Бәјанатда дејилир: “Дүнја иҹтимаијјәти бәшәријјәтә гаршы јени ҹинајәтлә үз-үзәдир. Ишғалчы Исраил ордусу ән ағыр силаһларла Гәззаја гаршы јени тәҹавүз ҝерчәкләшдирир. Бүтүн дүнјанын ҝөзү гаршысында Гәззада һәр ҝүн ҝүнаһсыз, динҹ әһали амансызлыгла гәтлә јетирилир. Әфсуслар олсун ки, әнәнәви олараг, Гәрб дөвләтләри тәҹавүзә мәруз галмыш фәләстинлиләри дејил, тәҹавүзкар сионистләри дәстәкләјир. Тәҹавүзә мәруз галыб, вәтәнинин азадлығы уғрунда мүбаризә апаран вә ишғала гаршы мүгавимәт ҝөстәрән фәләстинлиләри “террорчу” адландырыб, ишғалчы сионистләри мәсум-мәзлум кими гәләмә вермәклә, Исраил тәҹавүзкарлығына һагг Газандырыр”.
Бәјанат да гејд едилир ки, дүнја иҹтимаијјәти нөвбәти дәфә сионист тәҹавүзкарлығына сејрчи кими јанашыр: “Бу ҝүн Гәззада баш верәнләр инсанлыға гаршы јөнәлмиш бир ҹинајәтдир вә инсанлыға дәјәр верән һәр бир кәс бу ҹинајәтин гаршысынын алынмасында мәсулијјәт дашыјыр. Бу кими ҹинајәтләр тәҹавүзә мәруз галмыш Азәрбајҹан халгына јахшы танышдыр”.
Бәјанатын сонунда гејд олунур ки, “биз Исраилдән тезликлә тәҹавүзкарлыға вә динҹ әһалинин гәтлә јетирилмәсинә сон гојмасыны тәләб едирик вә сон һадисәләри Јахын Шәргдә вә бүтөвлүкдә дүнјада сүлһ вә әминаманлыға гаршы һәјата кечирилән террор акты кими гијмәтләндиририк”.
Диггәт: Хәбәрдән истифадә етдикдә мәнбәјә истинад лазымдыр
