Әһли Бејт -АБНА- хәбәр аҝентлијинин вердији хәбәрә әсасән Нобел сүлһ мүкафатчысы, мүхалиф демократларын рәһбәри Онг Сан Сочи Мјанмада руһингијалы Мүсәлман азлыгларын мүдафиә етмәкдән бојун гачырды.
Һесабламалара ҝөрә, ифратчы буддистләрин сон һүҹумунда 300-дән чох мүсәлман шәһид едилмишдир.
Сан Сочи ББҸ каналына вердији мүсаһибәдә дејиб ки, Руһингија мүсәлманларына дәстәк вермәјәҹәк.
Сочи дејиб: Мән өзүнү горуманын тәрәфдарыјам. Амма дүшүнмүрәм ки, һансыса атрибуту уҹалтмаг үчүн проблемләрин мәғзинә диггәт етмәдән мәнәви рәһбәрлијә лүзум олсун.
Бу, Мјанманын танынмыш мүхалиф шәхсијјәтчиси олан Сан Сочинин Рахин әјаләтинин минләрлә мүсәлманына гаршы баш вермиш сој гырым вә онларын евләриндән чыхарылмасы һаггында илк дәфә фикир билдирмәсидир.
Нобел сүлһ мүкафатчысы олан Сочинин Рахин әјаләтиндә Руһингија мүсәлманларына гаршы гәддарлыглар гаршысындакы сүкуту индијә гәдәр бир чох бејнәлхалг инсан һаглары мүдафиәчиләринин етиразына сәбәб олмушду.
Сочи бу зоракылыглар һаггында илк дәфә фикир билдирәркән демишди: Әҝәр инсанлар бир-бирләрини өлдүрсәләр вә бир-бирләринин евләрини јандырсалар, истәнилән мәнтиги һәлл јолуну неҹә әлдә етмәк олар?
Бу фикирләр билдирилән заман, дүнјанын мәшһур медиасы буддистләрин мүсәлманлара вердикләри әзаб-әзијјәт, ишкәнҹәләр һаггында фактлар вә сәнәдли материаллар һазырлајыб јајымламышдылар.
Бу да даһи Нобел сүлһ мүкафатчысынын инсан һагларына гајғысы. Бу мүкафаты Михаил Горбачов, Шимон Перес, Барак Обама да алыб...
Хатырладг ки, БМТ-нин һесабатына әсасән, Мјанманын буддист әјаләтиндә јашајан Мүсәлман азлыглар тәзјиг вә зоракылыға ән чох мәруз галан азлыглардырлар.
Диггәт: Хәбәрдән истифадә етдикдә мәнбәјә истинад лазымдыр
