Әһли Бејт -АБНА- хәбәр аҝентлијинин вердији хәбәрә әсасән Өлкәнин танынмыш нүфузлу руһаниси Һаҹы Тале Бағыровун һәбс мүддәти битир.
"Һиҹаба азадлыг 2" аксијасында һәбс едилән вә барәсиндә мәһкәмә һөкмү илә чыхарылан 1 ил јарым мүддәт јахын ҝүнләрдә битәҹәк.
Һаҹы Тале Бағыровун өзүнүн Исламазери.аз-а вердији мәлумата ҝөрә, 6 нојабр 2012-ҹи ил сәһәр саатларында ону 16 сајлы ҹәзачәкмә мүәссисәиндән сәрбәст бурахаҹаглар. Ондан ики ҝүн сонра исә диҝәр "һиҹаб мәһбусу" Рәшад Вәлигулијев азад едиләҹәк.
Гејд дәк ки, Һаҹы Тале Бағыров Ҹинајәт Мәҹәлләсинин 221.2-ҹи (бир груп шәхс тәрәфиндән хулиганлыг) вә 233-ҹү (иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләрилә тәгсирли билинмишди. Онунла бирликдә аксијанын тәшкилатчысы кими һәбс едилән Елшән Аббасов исә 1 ил барәсиндә һәбс һөкмү чыхарылмышды.
Диггәт: Хәбәрдән истифадә етдикдә мәнбәјә истинад лазымдыр
