Әһли Бејт -АБНА- хәбәр аҝентлијинин вердији хәбәрә әсасән Белчиканын Ҝент университетинин профессору Бруно де Кордје “Мәнәви Сафлыға Дәвәт” Иҹтимаи Бирлијинин гонағы олуб. Танынмыш арашдырмачы Бруно де Кордје илә ҝөрүшдә “Мәнәви Сафлыға Дәвәт” Иҹтимаи Бирлијинин идарә һејәтинин үзвләри иштирак едиб. Ҝөрүш заманы өнҹә өлкәси һаггында мәлумат верән профессор сонра Белчикадакы мүсәлманларын вәзијјәти барәдә данышды. Гејд етди ки, Белчикада әсасән мүһаҹирләр һесабына формалашан Ислам ҹәмијјәти ҝүн кечдикҹә даһа да ҝүҹләнир вә мүсәлманларын иҹтимаи һәјатда фәалијјәти дурмадан артыр. Елә бу мәгсәдлә дә бир чох Ислам өлкәсиндә, о ҹүмләдән Пакистан, Әфганысатан, Таҹикистан, Боснија-Һерсоговинија вә Газахысатнда олан профессор Бруно де Кордј ҝәздији јерләрдә Ислам тәшкилатлары илә марагланыб, онларын иҹтимаи һәјатдакы фәалијјәтләрини мүшаһидә едиб. Һазырда өлкәмиздә олан Белчиканын Ҝент университетинин профессору Бруно де Кордје дини саһәдә фәалијјәт ҝөстәрән бир нечә шәхсләр вә тәшкилатларла ҝөрүшәҹәјини билдирди.
“Мәнәви Сафлыға Дәвәт” Иҹтимаи Бирлијиндә кечирилән ҝөрүшдә арашдырмачы профессор өлкәдә вә дүнјада баш верән Ислами просесләрлә бағлы ону марагландыран бир чох мәсәләләр әтрафында тәшкилатын идарә һејәтинин үзвләринин рәјини өјрәнди. Һәмчинин тәшкилатын фәалијјәти илә марагланан Бруно де Кордјенин нәзәринә чатдырылды ки, “Мәнәви Сафлыға Дәвәт” Иҹтимаи Бирлији 10 илдән чохдур ки, уғурла фәалијјәт ҝөстәрир. Билдирилди ки, фәалијјәт дөврү әрзиндә онларла тернинг вә семинарлар тәшкил едән тәшкилатын јүзләрлә ҝәнҹ, преспективли јетирмәси вар ки, онлар бу ҝүн өлкәнин иҹтимаи һәјатында актив рол ојнајырлар.
"Мәнәви Сафлыг" журналынын редаксија һејәти илә ҝөрүшән профессору Бруно де Кордје журналын һазырланма гајдасы, дизајн ишләри вә охуҹу күтләси илә марагланды. Одуғу өлкәләрдә Ислам тәшкилатларынын медиа мәсәләләринә о гәдәр дә өнәм вермәдијини дејән тәтгигатчы бу саһәдә "Мәнәви Сафлыг" журналынын ҝөрдүјү ишләри јүксәк гијмәтләндирди.
Белчиканын Ҝент университетинин профессору Бруно де Кордје һәмчинин Јени Шәрг Арашдырмалар Мәркәзинин фәалијјәти илә дә марагланды. Ону ән чох ҹәлб едән Јени Шәрг Арашдырмалар Мәркәзинин фәалијјәтини тәкҹә Азәрбајҹанла дејил, бүтүн Шәрг дүнјасы, һәтта Ислам дүнјасыны белә әһатә етмәси олду.
Гејд едәк ки, ҝөрүш заманы гәрара алынды ки, нојабрын 3-ү, шәнбә ҝүнү саат 15-дә “Мәнәви Сафлыға Дәвәт” Иҹтимаи Бирлијиндә “Инсан Һаглары мүстәвисиндә Дин вә Виҹдан Азадлыглары” мөвзусунда Белчиканын Ҝент университетинин профессору Бруно де Кордјенин семинары олсун.
Диггәт: Хәбәрдән истифадә етдикдә мәнбәјә истинад лазымдыр
