Әһли Бејт -АБНА- хәбәр аҝентлијинин вердији хәбәрә әсасән АИП-ин сәдр мүавини Рөвшән Әһмәдли, аксијалара ҝөрә ҹәримәләрин артырылмасы мәсәләсинә мүнасибәт билдирәркән сөјләјиб: “Һакимијјәт ачыг шәкилдә ҝөстәрир ки, ја проблемләри һәлл етмәк истәмир, ја да ки, ҹәмијјәтин наразылығыны баша дүшмүр. Һакимијјәт етираз доғуран проблемләри һәлл етмәк әвәзинә, онун гаршысыны ҹәза методу илә алмаг истәјир. Һесаб едирәм ки, бу ҹүр амансыз тәгибләр, бөһтан вә шәрлә ҹәмијјәтдәки наразылығын гаршысыны алмаг олмајаҹаг. Ҹәмијјәтдә проблемләрлә варса, һәмин проблемләрин һәлли илә бағлы конструктив тәклифләрә бахылмалыдыр.”
Азәрбајҹан Ислам Партијасынын һеч заман ганунсуз аксија кечирмәдијини билдирән Рөвшән бәј, “АИП ганунда нәзәрдә тутулдуғу кими аксијадан өнҹә мүраҹиәт едир. Ганунсузлуғу һакимијјәт нүмајәндәләри едир ки, динҹ аксијанын кечирилмәсинә шәраит јаратмајараг ону мәһдудлашдырырлар ”, - дејә билдирди: “Бу да нәтиҹә етибары илә гејри-сивил јолла аксијаларын тәһрикинә ҝәтириб чыхарыр. Һесаб едирәм ки, бу ҹүр гадағалар вә ганунлар ҹәмијјәтин етиразыны бир гәдәр дә артыраҹаг. Гәбул едиләҹәк ганунлар әҝәр инсанларын конститусион һүгугларынын мәһдудлашдырылмасына јөнәләҹәксә, бу сырф һакимијјәтин аҹизлији демәкдир. Бу аҹизликлә дә проблемләри һәлл етмәк мүмкүн олмајаҹаг.
Диггәт: Хәбәрдән истифадә етдикдә мәнбәјә истинад лазымдыр
