Әһли Бејт -АБНА- хәбәр аҝентлијинин вердији хәбәрә әсасән дүнән һаҹы Фүзули Новрузовун өлүмү барәдә тибби експертиза рәјинин ачыгланмасы барәдәки хәбәр јајымланыб.
Хәбәрдә јазылыр: “Сураханы рајон прокурорунун көмәкчиси Вагиф Һүсејнов билдириб ки, тибби експертиза мәрһумун кәскин үрәк-дамар чатышмазлығындан вәфат етдијини мүәјјән едиб”.
Һиҹаб мәһбусларына јахын адамларын ачыгламасына әсасән исә, һиҹаб гадағасына етираз етдијинә ҝөрә һәбс вә мүһакимә олунан дин алими һаҹы Фүзули Новрузов тәһлүкәсизлик мәмурларынын зинданда она вердикләри ишҝәнҹәләр вә мәрһум үчүн зәрури олан дәрманларын кәсилмәси үзүндән шәһид олуб.
Бу хәбәрә әсасән, һаҹы Фүзули Новрузов һәбсхананын дөзүлмәз санитарија шәраити, тәһлүкәсизлик мәмурларынын физики вә психи ишҝәнҹәләри нәтиҹәсиндә хәстәлијә дүчар олмушду.
Гејд едәк ки, Азәрбајҹан Республикасынын МТН әмәкдашлары һәбс олунан диндарлары биоложи зәһәрләрлә зәһәрләјирләр. Һаҹы Фүзулинин шәһадәти онун хүсуси тәсири олан дәрманла зәһәрләндирилмәси еһтималыны даһа да ҝүҹләндирди. Буна ҝөрә дә белә нәзәрә ҝәлир ки, Бакынын тәһлүкәсизлик апаратлары исламчылары шәһид етмәк үчүн башга тактика сечибләр.
Диггәт: Хәбәрдән истифадә етдикдә мәнбәјә истинад лазымдыр
