Әһли Бејт -АБНА- хәбәр аҝентлијинин вердији хәбәрә әсасән Иран Ислам Республиасынын Мүдафиә Назири Ҝенерал Әһмәд Вәһиди, Ираг сәфәри чәрчивәсиндә Милли Коалисија Башчысы Ибраһим Ҹәфәри илә дә ҝөрүшүб.
Мүдафиә Назиринин ҝөрүш заманы Коалисијанын Ирагдакы һадисәләрдә, хүсусилә дә өлкәнин хариҹи әлагәләринин тәмин едилмәси саһәсиндә ојнадығы әһәмијјәтли ролуна ишарә едәрәк Ибраһим Ҹәфәринин Ираг дахилиндә вәһдәтин тәмин едилмәси мөвзусундакы ролун тәгдирә лаиг билиб.
Ҝенерал Вәһиди һәмчинин дејиб: "Чох гәдим бир мәдәнијјәтә вә долу гајнаглара саһиб олан Ираг, реҝионал вә бејнәлхалг мәсәләләрдә актив бир фактор олараг рол ојнаја биләр".
Ираг Милли Коалисија Башчысы Ибраһим Ҹәфәри дә ҝөрүш заманы етдији чыхышында белә бир зијарәтдән мәмнунијјәт дујдуғуну ифадә едәрәк билдириб: “Иран Ислам Республикасы илә Ираг арасындакы әмәкдашлығын артырылмасы мүсбәт вә конструктив бир тәшәббүсдүр. Ираг ордусунун ИИР-ын тәҹрүбә вә габилијјәтләриндән фајдаланмасы мәгсәдә ујғун вә зәрури бир мәсәләдир".
Диггәт: Хәбәрдән истифадә етдикдә мәнбәјә истинад лазымдыр
