Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Президентинин Биринҹи Мүавини Мәһәммәд Рза Рәһими, Анкарадакы сәфәриндән сонра НТВ-јә ачыглама вериб.
Ҹәнаб Рәһими, Сурија проблеминин һәрби јолла һәлл едилмәсини гејри мүмкүн сајараг дејиб: 'Дүнјанын һеч бир јериндә дөјүшәрәк, гаршыдурма јаратмагла ишин һәллинә чата билмәзсиниз Бахын, ики филин дөјүшүндә јох олан, онларын ајагларынын алтындакы чәмәнләрдир. Һәрби мүнагишәләр заманы да, јерә ган төкүлүр...”
Президентинин Биринҹи Мүавини даһа сонра дејиб: “Биз, сүлһ јолу илә, Суријадакы бүтүн проблемләри һәлл едә биләҹәјимизи дүшүнүрүк. Бир-биримизә гаршы силаһ чәкмәмизә еһтијаҹ јохдур..”
Мәһәммәд Рза Рәһими, Сурија мөвзусунда, ИИР вә Түркијә арасында тәмәлли ҝөрүш фәрглилијинин олмадығыны билдирәрәк һәр ики өлкәнин дә бөлҝә үчүн тәһлүкәсизлик, сабитлик вә инкишаф истәдијини гејд едиб.
Акчакале-јә топ мәрмисинин дүшмәсини дә ачыглајан Рәһими, јанлыш анламалара ҝәтириб чыхараҹаг аддым атмагдан ҝери чәкилмәсинин дүзҝүн олдуғуну билдириб.
Мүһарибәнин Мүсәлманларын зәрәринә олдуғуну билдәрән Ислам Республикасы Президентинин биринҹи мүавини дејиб: 'Түрк халгына башсағлығы диләмәк истәјирәм. Сурија һөкумәтинин үзр истәдијини ешитдим. Бу һадисәдә хүсуси илә Түрк рәсмиләрини вә Түрк һөкумәтини етидаллы, сағламфикирли давраныша дәвәт едирик. Ислам дүшмәнләри Түркијә вә Сурија арасында гаршыдурманын јашанмасыны истәјир. Анҹаг бу, һамымызын зәрәринәдир...'
Ҹәнаб Рәһими, Сурија проблеминин һәлли үчүн Түркијә, ИИР, Мисир вә Сәудијјә Әрәбистаны тәрәфиндән јарадылан дөрдлү механизмә Ираг вә Битәрәф групу адындан Венесуеланын гатылмасыны тәклиф етдикләрини ачыглајыб.
Иран Ислам Республикасынын Президенти биринҹи мүавини, Анкара-Бағдад мүнасибәтләриндә дә јашанан бөһранын һәлли үчүн мүһүм рол ојнаја биләҹәјини тәклиф едиб.
Диггәт: Хәбәрдән истифадә етдикдә мәнбәјә истинад лазымдыр
