Әһли Бејт -АБНА- хәбәр аҝентлијинин вердији хәбәрә әсасән бу ҝүн 05 сентјабр 2012 тарихдә әлијевләр режиминин јүрүтдүјү анти-Ислам сијасәтләрә етираз олараг Азәрбајҹанын Мүсәлман кәсими Тәһсил Назирлијинин өнүндә аксија кечиртмишләр.
Олајла бағлы МАЗЛУМДЕР тәшкилатынын Анкара шөбә мүдири Шәрифә Ҝүл Арыман ханым өз фикирләрин бәјан етмишдир.
О, билдирмишдир: "Сон һадисәләрин ҹиддијәти вә тәһлүкәлилији ортададыр. Шаҝирд валидејинләри, даһа әввәлдән дә һиҹаб гадағасына гаршы бу ајрысечкилији гәбул етмәјәҹәкләрини вә һөкумәт бу гејри-гануни мөвгејиндән әл чәкәнә гәдәр етиразларыны давам етдирәҹәкләрини бәјан етмишдиләр.
Азәрбајҹан халгы, бу гадағаја етираз етдији үчүн зинданлара дүшүб вә ики нәфәр дә бу јолда шәһид олуб.
Бу фәдакарлыгларын инсани дүшүнҹәнин мәһсулу олараг вә фитри олараг һагг уғрунда олдуғуну унутмамаг лазымдыр.
Азәрбајҹан һөкумәти гејри-гануни олан бу тутумундан дәрһал әл чәкмәлидир.
МАЗЛУМДЕР олараг Азәрбајҹан һөкумәтинә төвсијәмиз будур ки, өз халгы илә дүшмән олмасын вә өз јурддашларынын тәһсилинә бу шәкилдә манеә төрәтмәсин.
Бу ҝәнҹләрин ҝәләҹәкдә хидмәт едәҹәкләри дөвләт елә Азәрбајҹандыр.
Бу мәнасыз вә дүшмәнчилик јарадан гадағаја сон верилмәсини тәләб едирик."
Диггәт: Хәбәрдән истифадә етдикдә мәнбәјә истинад лазымдыр
