Әһли Бејт -АБНА- хәбәр аҝентлијинин вердији хәбәрә әсасән Ниҝерија Дөвләтинин Һәҹҹ Комитәси рәсми бәјанат јајараг Сәуди Әрәбистан режиминин 1000 Ниҝеријалы ханымлары Һәҹҹ зијарәтинә бурахмајыб онлары ҝери ҝөндәрдијинә кәскин етираз етмишдир.
Ниҝерија Дөвләти Әрәбистан режиминин бу гејриәхлаги рәфтарларына ҹаваб олараг, бу илки Һәҹҹ Зијартинә өлкәсиндән һеч бир кәсин ҝетмәјәҹәјини елан етмишдир.
Ниҝеријанын Ријаддакы рәсми Сәфири бу һаггда билдириб: “Ниҝеријанын Дөвләт Мәсуллары Сәуди Әрәбистан тәрәфиндән өлкәмизин 1000 ханымынын Һәҹҹ Зијарәтиндән мәһрум етмәсинә ҹаваб олараг бу илки Һәҹҹ Зијарәтин бајкот етмишләр.”
Ҹәнаб Сәфир даһа сонра билдирмишдир: “Бу сәбәбдән дә Ниҝеријадан Әрәбистана олан бүтүн учушлар һәләлик ләғв едилиб”.
Гејд едәк ки, Сәуди Әрәбистан режиминин бу вә ја диҝәр ләјагәтсиз рәфтарларына гаршы диҝәр Исламчы Һәрәкатлар, Тәшкилатлар вә саир Мүсәлман Өлкәләри кәскин етиразлар етмиш вә билдирмишләр: “Сәуди Әрәбистан режими бүтүн Мүсәлманлара аидијјаты олан Һәҹҹ Мәрасиминдән јалныз өз мәгсәдләри уғрунда суиистифадә етмәмәлидир. Кәбә вә Мәсҹидун-Нәби (сәлләллаһу әлејһи вә алиһ) сәудиләрин шәхси мүлки дејилдир.”
Диггәт: Хәбәрдән истифадә етдикдә мәнбәјә истинад лазымдыр
