Әһли Бејт -АБНА- хәбәр аҝентлијинин вердији хәбәрә әсасән дүнән 2012.27 сентјабр тарихдә сәһәр радәләриндә мүгәддәс Мә`сумәји Гум шәһәриндә һәзрәти Имам Һүсејнин (әлејһис сәлам) пак һәрәминин јени дүзәлдилмиш зәриһинин ачылыш мәрасими кечирилиб.
Мәрасим Гум Елми Һөвзәсинин Мә`сумијјә билик мүәссәсиндә һәјата кечирилиб. Мәрасимдә Имам Хаменеи ҹәнабларына аид офисин рәһбәри Һөҹҹәтүл ислам вәл Муслимин ҹәнаб Муһәммәд Ҝүлпәјгани, Ајәтуллаһ Систани ҹәнабларына аид офисин рәһбәри Һөҹҹәтул Ислам Сејјид Ҹавад Шәһристани, Иран Ислам Республикасынын Ислам Шурасы Мәҹлисинин-парламентинин сәдри ҹәнаб Доктор Әли Лариҹани, Гурум Мәнафејинин Мүәјјәнләшдирмә Шурасынын Баш Катиби ҹәнаб Мөһсүн Рзаји, Һәҹ вә Зијарәт комитәсинин катиби ҹәнаб Һөҹҹәтүл Ислам Гази Әскәри, Ајәтуллаһ Шејх Ҹавад Фазил Ләнкәрани, Һөҹҹәтүл Ислам Бәнаји Гуми, Һөҹҹәтүл Ислам Сејјид Әли Рза Тәкјәи, Һөҹҹәтүл Ислам Мәрви, Устад Мәһмуд Фәршчијан, Һөҹҹәтүл Ислам Тәгәви, Һөҹҹәтүл Ислам Нәзәри Мүнфәрид, Һөҹҹәтүл Ислам Сејјид Әли Хомејни, Гум шәһәринин милләт вәкилләри, Гум шәһәринин Иҹра Башчысы вә Ирагда јерләшән Имамаларын һәрәмләриндә ишләјән мәсулларын бир дәстәси иштирак едибләр.
Јени дүзәлдилмиш зәриһ Устад Фәршчијанын дзајн вә мүһәндислији алтында һәјата кечирилиб. Зәриһин аналогунун олмадығыны вурғулајан Устад Фәршчијан билдириб: “Биз Имам Һүсејнин (әлејһис сәлам) Зәриһи үзәриндә ишләдијимиз бүтүн ҝүлләрин ләчәкләрин 8 әдәд гәрар вермишик. Гызыл вә ҝүмүш вәрәгләр үзәриндә һәкк олунан ҝүлләр һамылыгла үзү јухары, сәмаја доғру јүксәлиб. Бу да Ислам Инҹәсәнәт Ирфанында һәр бир мөвҹудун она, Аллаһа доғру гајыдышы демәкдир.”
Гејд едәк ки, Зәриһин галма мүддәти 500 илдир.
Диггәт: Хәбәрдән истифадә етдикдә мәнбәјә истинад лазымдыр
