Әһли Бејт -АБНА- хәбәр аҝентлији- Бу ҝүн мүбарәк Зилгәдә ајынын он биридир. Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) нәслиндән олан мә`сум өвлады, Аллаһын (ҹәллә ҹәлалуһ) јер үзәриндәки ки Һөҹҹәти, Әли ибни Муса әл-Рзанын (әлејһимәс сәлам) анадан олан ҝүнүдүр.
Бу ҝүн, бәшәријјәтин ән севинҹли ҝүнләриндән бири сајылыр. Бу анлар Алаһ Тәалаја едилән дуаларын гәбул олан анларыдыр.
Биз АБНА олараг дүнја халгларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләринин өзүнү вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Имам Рзанын (әлејһис сәлам) һәјаты барәдә гыса мәлумат
Имам Әли ибн Муса (әлејһис сәлам) һиҹрәтин 148-ҹи или зилгәдә ајынын он бириндә анадан олмушдур. Анасы Туктәм адлы фәзиләтли бир гадын олмуш, Имам Рза (әлејһис сәлам) анадан олдугдан сонра Имам Казим (әлејһис сәлам) о ханыма Таһирә ады вермишдир.
Имам Әли ибн Мусанын (әлејһис сәлам) күнјәси Әбүл Һәсән, ләгәби Рза олмушдур. Имам Рза (әлејһис сәлам) атасы Имам Казим (әлејһис сәлам) (һиҹрәтин 183-ҹү илиндә) Бағдад зинданында шәһид олдугдан сонра отуз беш јашында Имамәтә чатмышдыр.
Имам Рзан (әлејһис сәлам) илә һәмәср олмуш јаланчы хәлифәләр
Имам Рза (әлејһис сәлам) Имам олдуғу ијирми илин онуну Һарун Әр-Рәшидлә (әлејһи ләнәтуллаһ), беш илини Мәһәммәд Әминлә (әлејһи ләнәтуллаһ), сон беш илини исә Абдуллаһ Әл-Мә`мунла (әлејһи ләнәтуллаһ вә ләну лаинин) һәмзаман олмушдур.
Имам Рза (әлејһис сәлам) Мә`мунун һакимијјәтә ҝәлишинә гәдәр өз доғма вәтәни мүгәддәс Мәдинә шәһәриндә јашајырды. Мә`мун һакимијјәтә ҝәлдикдән сонра о Һәзрәти Хорасана мәҹбурән ҝәтиздирилир.
Мә`мун (әлејһи ләнәтуллаһ вә ләну лаинин) Имам Рзанын көмәклији илә шиәләрлә мүнасибәтләр гурмаға чалышыр. Лакин бу һијлә баш тутмадыгда Мә`мун (әлејһи ләнәтуллаһ вә ләну лаинин) Имам Рзаны һиҹрәтин 203 илинин сәфәр ајында, миладын 818-ҹи илин сентјабрында (әлли беш јашында оларкән) Хорасанда Тус шәһәринин јахынлығындакы Нукән кәндиндә зәһәрләјәрәк шәһадәтә јетирир.
Имам Рзанын (әлејһис сәлам) сәрдабәси нәинки Шиәләрин һәтта бүтүн Мүсәлманларын Зијарәтҝаһына, онларын башлыҹа мүгәддәс јерләриндән биринә чеврилмишдир. Нәтиҹәдә сәрдабәнин јерләшдији кәнд онун шәрәфинә Мәшһәд-Әли Риза (Мәшһәде-Рәзәви) (Әли Рзанын(әлејһис сәлам) шәһид олдуғу јер) адландырылан ири шәһәрә чеврилмишдир.
Имам Рзанын (әлејһис сәлам) сечилмиш инҹиләри
- Ибадәт чохлу намаз гылмаг вә оруҹ тутмаг дејил. Ибадәт, әслиндә Аллаһын иши барәдә чох дүшүнмәкдир.
- Надан адамын досту әзијјәтдәдир.
- Сүкут һикмәт гапыларындан биридир. Сүкут мәһәббәт ҝәтирәр, сүкут инсана һәр бир хејрин вә јахшылығын јолуну ҝөстәрәр.
- Һәр инсанын досту онун ағлы, дүшмәни исә наданлығыдыр.
- Ким Аллаһдан бағышламаг диләрсә вә јенә дә ҝүнаһ иш ҝөрәрсә, Аллаһына ришхәнд едән кимидир.
