Әһли Бејт -АБНА- хәбәр аҝентлијинин вердији хәбәрә әсасән АБШ јәһудиләри вә сионист капиталистләрин һимајәси илә чкилмиш дүнја сәвијјәли рүсвајчы филимә, ејни заманда үмумән анти-Ислам сијасәтләрә етираз олараг Азәрбајҹан Ислам Партијасы бәјанат вериб.
Бәјанаты диггәт нәзәринизә чатдырырыг:
Меһрибан вә Бағышлајан Аллаһын ады илә
Илин әввәлиндә АБШ-да мүсәлманларын, һәмчинин бүтүн бәшәријјәтин фәсадлардан гуртулуш вә мүгәддәс китабы Гурани-Кәримин јандырылмасына ҹәһдләр едилди. Кешишин бу аддымы һәр јердә, о ҹүмләдән Америкада писләнилди. Нијјәти, әлбәттә, мүсәлманларын емосијаларыны ҹошдурмаг, гарышыглыг вә хаос јаратмаг иди.
Ислам ҹәмијјәтләринин сабит идарә олунмасына вар гүввәси илә әнҝәлләр төрәтмәкдә, исламофоб һәрәкәтләриндә мараглы олан гүввәләр вахташыры екстремал ситуасијалардан јарарланараг сивилизасијаларарасы мүнасибәтләрин ҝәрҝинләшмәсинә ҹәһ едир, халгларын динҹ јанашы јашамасыны позмаға чалышырлар.
Америкада әзиз Ислам Пејғәмбәри Мүһәммәд (с) һаггында ашағылајыҹы филмин чәкилиши дә мәһз бу мәгсәдә хидмәт едир. 11 сентјабр әрәфәсиндә белә бир аддымын атылмасы сијаси анламда бәшәри ҹинајәт, инсанлыға гаршы тәһгир кими гијмәтләндирилмәлидир. Бир өлкә дахилиндә јарадылмыш дәһшәтли мәнәви-психоложи учурум вә онун фаҹиәви тәзаһүрләринин тәкрары вә ихраҹ олунмасы ону ҝөстәрир ки, бу һаллара вә онун јаранма мүһүтүнә гаршы јүксәк сәвијјәдә мүбаризә вә ја етираз јохдур.
АИП Ислама гаршы, Пејғәмбәрә( с) гаршы тәһгирләрин бу ҝүн Ливијада, Мисирдә төрәтдији арзуолунмаз ситуасијаларын даһа ағыр нәтиҹәләр верәҹәјиндән нараһатлыг кечирдијини бәјан едир вә дүнја иҹтимаијјәтини, бејнәлхалг тәркибли тәшкилатлары тәхрибатлара гаршы ҹидди тәдбир ҝөрмәјә вә тәпки ҝөстәрмәјә чағырыр. Азәрбајҹанын мөмин инсанлары, бүтүн мүсәлманлары адындан билдиририк ки, дөвләтимиз бу һаллара гаршы биҝанә галмамалы, үзв олдуғумуз Ислам Конфрансы Тәшкилаты, БМТ вә диҝәр бејнәлхалг тәшкилатлар васитәсилә рәсми етираз нотасы илә чыхыш етмәли, мөвге сәрҝиләмәлидир.
Дүнја низамыны позмаг истәјәнләр Ислам динини аләтә чевирмәк истәјирләр. Ејни заманда мүсәлманларынн һејсијјатына тохунмагла онларын динимизә олан севҝи вә мәһәббәтини биләрәк инсанлары дөзүмсүзлүјә тәһрик едир вә сәрт аддымлар атмаларына наил олмаг истәјирләр. Әлбәттә биз баҹы вә гардашларымызы бу тәхрибатлара ујмамаға, дүшмәнин нијјәтини анламаға вә дүзҝүн гијмәтләндирмәјә чағырырыг.
Диггәт: Хәбәрдән истифадә етдијдә мәнбәјә истинад лазымдыр
