Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Атом Енержиси үзрә Бејнәлхалг Аҝентликдәки (АЕБА) даими нүмајәндәси Әли Әсҝәр Султанијјә гурумун Идарә Һејәтинин јығынҹағында өлкәсинин сүлһмәрамлы нүвә програмы илә бағлы гәбул едилмиш јерсиз гәтнамәјә мүнасибәт билдириб.
Ә. Султанијјә дејиб ки, бу гәтнамә проблеми даһа да чыхмаза сүрүкләјир вә һадисәни сијасиләшдирир: “Бу гәтнамә проблемин арадан галдырылмасына даир ән кичик бир фајдасы олмајаҹаг”.
Онун сөзләринә ҝөрә, АЕБА мүшаһидәчиләри Парчин һәрби-сәнаје комплексини 2004 вә 2005-ҹи илләрдә ики дәфә зијарәт едибләр.
Ә. Султанијјә вурғулајыб ки, Иран Ислам Республикасы аҝентликлә әмәкдашлыг едир вә буну да ачыг шәкилдә давам етдирир: “Иран Ислам Республикасынын нүвә програмы сијасиләшдирилмәмәлидир”.
Иранын НПТ мүгавиләси чәрчивәсиндә өһдәликләринә бағлы галдығыны дејән Ә. Султанијјә билдириб ки, рәсми Теһран нүвә енержиси истеһсал етмәк һүгугундан әсла ҝери аддым атмајаҹаг.
Диггәт: Хәбәрдән истифадә етдијдә мәнбәјә истинад лазымдыр
