Әһли Бејт -АБНА- хәбәр аҝентлијинин вердији хәбәрә әсасән Түркијәнин Баш назири Рәҹәб Тајјиб Әрдоған Азәрбајҹан сәфәриндән әввәл Анкарада мәтбуат нүмајәндәләри илә ҝөрүш заманы Өлкәјә сығынан Ирагын кечмиш витсе-президенти һаггында чыхарылан едам гәрары илә бағлы суала ҹаваб верәрәк дејиб: Ирагын кечмиш витсе-президенти Тарыг әл-Һашимини тәслим етмәјәҹәјик.
Суријанын дахили ишләринә гарышараг јүзләрлә забит вә әскәрләрини Суријаја ҝөндәрәрәј ҝүнаһсыз инсанларын ганын төкән Әрдоған, Ирагын дахили ишләринә дә гарышараг јүзләрлә ҝүнаһсыз инсанлары шәһид едилмәсинә баискар олдуғу билинди. Белә ки, Әрдоған Тарыг әл-Һашимини тәслим етмәјәҹәји һагда чыхыш етдији заман белә дејиб: "... Һашими илә бағлы мәсәләни јахшы билән сијасәтчиләрик. Едама сәбәб ола биләҹәк бир мәсәлә јохдур. Һашимини истәдији гәдәр өлкәмиздә сахлајаҹајыг. Тәслим етмәјәҹәјик”.
Хатырладаг ки, Ираг Али Мәһкәмәси фәрари витсе-президент Тарыг әл-Һашиминин һаггында едам гәрары чыхарыб. Түркијәнин сығынаҹаг вердији, ҹинајәтләри сүбута јетирилмиш Тарыг әл-Һашими һаггында чыхарылан һөкмүн сурәти Анкараја ҝөндәрилиб.
Ираг Али Мәһкәмәси Тарыг әл-Һашимини мәсҹидләри бомбаламагда, ҹинајәткар груплара рәһбәрлик етмәкдә вә күтләви гәтлләрдә әлинин олдуғуну сүбута јетириб.
Хәбәрлә бағлы ҝениш мәлумат газанмаг үчүн бу линки тыклајын:
Ирагда Тариг Һашимијә едам һөкмү верилән ҝүн 9 террор акты төрәдилди
Диггәт: Хәбәрдән истифадә етдијдә мәнбәјә истинад лазымдыр
