Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасында Исламчылара гаршы јүрүдүлән репресијалар давам етмәкдәдир. Белә ки, мөвҹуд режим тәрәфиндән ШӘРЛӘНӘРӘК Бакы Истинтаг Тәҹридханасында сахланылан диндарлардан бири дә Меһди Шамиллидир. О, сентјабрын 9-да аилә үзвләри илә ҝөрүшүндә һүгуг мүдафиәчиләри илә ҝөрүшмәк истәјини ифадә едиб.
Меһди Шамиллинин гардашы Тәрлан Шамилли билдириб ки, һүгуг мүдафиәчиләри гардашынын һәбси илә бағлы фикирләрини ачыглајыблар: “Амма индијә гәдәр онунла ҝөрүшән олмајыб. Меһди бәј һәбс олунаркән онун физики тәзјигә мәруз галмасы илә бағлы Ишҝәнҹәләр Әлејһинә Азәрбајҹан Комитәсинин рәһбәри Елчин Беһбудова әризә јазмышдым. О бизә билдирмишди ки, мүәјјән сәбәбләрдән Бакы Истинтаг Тәҹридханасында мониторинг кечирә билмир. Еләҹә дә һүгуг мүдафиәчиси Ејнулла Фәтуллајевә мүраҹиәт етдим вә о, Бакы Истинтаг Тәҹридханасына ҝетмәк үчүн мүраҹиәт етдијини билдирди. Деди ки, јахын ҝүнләрдә Меһди бәјлә ҝөрүшәҹәк”.
Меһди Шамилли аилә үзвләри васитәсилә медиа нүмајәндәләринә тәшәккүр чатдырыб: “Һәр кәсә әзијјәтинә ҝөрә миннәтдарлығыны билдирди”.
Тәрлан Шамилли ону да әлавә едиб ки, гардашынын 6 јашлы гызы да ҝөрүшдә олуб: “О, сентјабрын 15-дә биринҹи синфә ҝедәҹәк. Елә бу сәбәбдән өзүмүзлә апардыг ки, атасы илә ҝөрүшсүн”.
Хатырладаг ки, Меһди Шамилли августун 6-дә Бакынын Забрат гәсәбәсиндәки евиндә һәбс олунуб. Ону Ҹинајәт Мәҹәлләсинин 234-ҹү (ганунсуз олараг наркотик васитәләри, психотроп маддәләри вә ја онларын прекурсорларыны һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) маддәси илә ШӘРЛӘЈӘРӘК гондарма ҹинајәт ишинә башлајыблар. Меһди Шамиллинин үстүндән нә аз вә нә чох 6,69 грам марихуана чыхдығы иддиа олунур. Бурада марихуанадан сорушулмалыдыр ки, ону Меһди Шамиллинин ҹибинә Меди бәј јохса режимин систем ишчиси гојуб?
Диггәт: Хәбәрдән истифадә етдијдә мәнбәјә истинад лазымдыр
