Әһли Бејт -АБНА- хәбәр аҝентлијинин вердији хәбәрә әсасән Дүнја Туризм Тәшкилатынын (ДТТ) Баш катиби Талеб Рифаи билдириб: “Ипәк јолу” өлкәләри арасында виза режиминин садәләшдирилмәси бу саһәдә мөвҹуд мәһдудијјәтләри арадан галдыраҹаг вә бүрократијаја сон гоја биләҹәк ваҹиб мәсәләдир.
О дејиб, тәшкилатын витсе-президенти, Иран Ислам Республикасынын Мәдәни Ирс вә Мәдәнијјәт Назири Сәид Һәсән Мусәвинин сәсләндирдији идејаны јүксәк гијмәтләндириб, онун ирәли сүрдүјү 4 тәклифин һәр биринин “мәнтиги вә пратики ҹәһәтдән әсасландырылмыш” олдуғуну дејиб: "Ипәк јолу” өлкәләри арасында виза режиминин садәләшдирилмәси бу саһәдә мөвҹуд мәһдудијјәтләри арадан галдыраҹаг вә бүрократијаја сон гоја биләҹәк чох ваҹиб мәсәләдир".
Тәшкилатын баш катиби Ҝ-20 өлкәләринин дә виза режиминин садәләшдирилмәси мәсәләсини ҝүндәлијә салдыгларыны билдириб: “Биз өлкәләрдән ганунвериҹиликләринә зидд аддымлар атмағы тәләб етмирик. Әсас мәгсәдимиз туризмин инкишафына мане олан бүрократик әнҝәлләри арадан галдырмагдыр”.
Баш катиб “Ипәк јолу” өлкәләринин “дөвләтләрарасы мүнасибәтләри” асанлашдырмаг үчүн сәј ҝөстәрмәли олдуғуну дејиб: “Бу формаллыгларын садәләшдирилмәси чох ағыллы вә мәнтиги тәклифдир”.
Диггәт: Хәбәрдән истифадә етдијдә мәнбәјә истинад лазымдыр
