Әһли Бејт -АБНА- хәбәр аҝентлијинин вердији хәбәрә әсасән Түркијәнин ана мүхалифәт Ҹүмһуријјәт Халг Партијасыны (ҸҺП) тәмсил едән милләт вәкили Сүһејл Батум Түркијә Бөјүк Милләт Мәҹлисиндә тәшкил етдији мәтбуат конфрансында билдириб: “Апајдын дүшәрҝәсиндә хариҹи һәрбчиләрин сахланылмасынын Түркијә Ҹинајәт Мәҹәлләсинә әсасән гејри-ганунидир. Мән прокурорлары бу вәзијјәти арашдырмаға дәвәт едирәм”.
Афјонкараһисарда мејдана ҝәлән партлајышла бағлы журналистләрин суалларыны ҹавабландыран милләт вәкили дејиб: "Губернатор һадисәнин гәза олдуғуну дејир. Буну заман ҝөстәрәҹәк. Анбары һаваја совурмаға гадир гәзанын неҹә мејдана ҝәлдији ајдынлашаҹаг. Һәр ҝүн 10-20 шәһид веририк. Буна ҝөрә мәсулијјәт тамамилә АКП игтидарынын үзәриндәдир”.
Сон ҝүнләрдә ардыҹыл мејдана ҝәлән һадисәләри игтидарын дөвләт идарәсиндән нә гәдәр узаг олдуғуну вә бу иши баҹармадығыны сүбут едән әсас нүмунәләр кими дәјәрләндирән Батум сөјләјиб: "Хариҹи ишләр назири Апајдын дүшәрҝәсиндә галанларын хариҹи әсҝәрләр олдуғуну дејир. Бунун да гануна ујғун шәкилдә едилдијини сөјләмәси доғру дејил. Хариҹи әсҝәрләрин Апајдын дүшәрҝәсиндә галмасына иҹазә верән һеч бир һүгуги сәнәд јохдур. Түркијә Ҹинајәт Мәҹәлләсинин 306-ҹы маддәси чох ајдындыр, игтидарын бу истигамәтдәки һәрәкәтләрини вә Апајдын дүшәрҝәсиндә хариҹи әсҝәрләр сахламасыны гәти гадаған етмишдир. Бу тәһлүкәни јараданлар, буну ја мәлуматсызлыгдан, ја да Обаманын дәјәнәјиндән горхдуглары үчүн едирсә белә, ҹинајәт ишләјир. Прокурорлары вәзифәләрини иҹра етмәјә чағырырыг, буну ҝөрмәмәзлијә вура билмәзләр. ҸҺП олараг бу ҹинајәти ҝөрәнләри тәгиб едәҹәјик. Бу ҹинајәти ишләјәнләр 10 илдән сонра олса да, һесаб верәҹәк".
Диггәт: Хәбәрдән истифадә етдијдә мәнбәјә истинад лазымдыр
