Әһли Бејт -АБНА- хәбәр аҝентлијинин вердији хәбәрә әсасән Түркијәнин ҸҺП ана мүхалифәт партијасынын сәдри Кәмал Кылычдароғлу бәјан еди: “АКП һөкумәтинин дүшүнән вә әсл һөкумәт олмадығы ортаја чыхды”.
К.Кылычдароғлу партија иҹласындакы чыхышында ҝүндәмдәки һадисәләрлә бағлы ачыгламалар вериб вә террора сон гојмаг мәгсәди илә сијасәтчиләрин бир араја ҝәлмәси үчүн игтидара мүраҹиәт етдикләрини хатырладыб: "Өлкәнин вәзијјәти һеч үрәк ачан дејил. Һамынын бејниндә бир гајғы вар. Инсанлар ҝүндәлик проблемләрини унудуб. Өлкә нијә бу ҝүнә дүшүб? Сәбәби мәлумдур. Сәбәби јахшы, гәрарлы, ағыллы бир рәһбәрлијин олмамасыдыр”.
Сурија мәсәләсинә дә тохунан К.Кылычдароғлу, бу истигамәтдә һөкумәтин сәһв сијасәт апардығыны вурғулајыб: “80 мин нәфәр дүшәрҝәләрдә јашајыр. Онлар ҝәлмәдән дүшәрҝәләр һазырланды. Чүнки ҝәләҹәкләрини билирдиләр. Гыш башлајанда нә олаҹаг?".
Һөкумәти сәһв јолдан ҝери дөнмәјә дәвәт едән партија сәдри дејиб: "Террор мөвзусунда да сәһв олдугларыны сөјләдик. Шәһидләр варкән милләт вәкилләри тәтилә чыхмасын дедик. Бир араја ҝәлиб данышаг дедик. Мәҹлисә ҝетдик, ҝәлмәдиләр. Проблеми һәлл етмәк үчүн мәҹлисә ҝәлмирсиниз, амма гача-гача Ослоја ҝедирсиниз. Бу һөкумәтинин дүшүнән вә әсл һөкумәт олмадығы ортаја чыхды. Әҝәр бир һөкумәт өзү проблем јарадырса, о һөкумәт проблеми һәлл едә билмәз”.
Диггәт: Хәбәрдән истифадә етдијдә мәнбәјә истинад лазымдыр
