Әһли Бејт -АБНА- хәбәр аҝентлијинин вердији хәбәрә әсасән Азәрбајҹан халгынын мәрд оғлу, забит Рамил Сәфәров Бакыја ҝәтирилиб.
Бу барәдә Азәрбајҹан медиасы мәлумат јајыб. Факты, Маҹарыстанда һәбсдә олан забитимизин ҝәтирилмә просесиндә фәаллыг ҝөстәрмиш вә тәшкилати ишләри һәјата кечирмиш иш адамы Илһам Рәһимов тәсдигләјиб.
Хатырладаг ки, Рамил Сәфәров 25 август 1977-ҹи илдә Ҹәбрајыл рајонунда дүнјаја ҝәлиб. 1991-ҹи илдә Ҹәмшид Нахчывански адына һәрби тәмајүллү мәктәбә дахил олуб. 1992-ҹи илин сентјабрында АРМН-ин сәрәнҹамы илә тәһсилини давам етдирмәк үчүн Түркијәнын Измир шәһәринә ҝөндәрилиб. Малтәпә һәрби литсејини мүвәффәгијјәтлә битирдикдән сонра Анкара Али Һәрби мәктәбинә дахил олуб вә һәрби тәлим курслары кечиб. 2001-ҹи илин мај ајындан 2002-ҹи илин март ајына гәдәр МН-ин сәрәнҹамы илә Ҝәдәбәјдәки "Н" сајлы һәрби һиссәдә тағым командири вәзифәсиндә гуллуг едиб. 2002-ҹи илин март ајында МН-ин сәрәнҹамы илә Һ.Әлијев адына АҺКМ-ә ҝөндәрилиб. Гуллуг етдији мүддәтдә баш лејтенант рүтбәсинә гәдәр јүксәлиб. 2004-ҹү илин јанвар ајында МН-ин сәрәнҹамы илә НАТО програмлары чәрчивәсиндә Маҹарыстанын Будапешт шәһәриндә кечирилән 3 ајлыг инҝилис дили курсларына езам олунуб.
Вәтәнә дөнмәјә 20 ҝүн галмыш – феврал ајынын 19-да курсларда иштирак едән Гурген Маркарјан адлы ермәни забитини гәтлә јетириб. Елә һәмин тарихдә Будапештин һүгуг-мүһафизә органлары тәрәфиндән һәбс олунуб. Будапешт Шәһәр Мәһкәмәсинин 13 апрел 2006-ҹы ил тарихли һөкмү илә өмүрлүк азадлыгдан мәһрум едилиб.
Диггәт: Хәбәрдән истифадә етдијдә мәнбәјә истинад лазымдыр
