Әһли Бејт -АБНА- хәбәр аҝентлијинин вердији хәбәрә әсасән Атом Енержиси үзрә Бејнәлхалг Аҝентлик (АЕБА) Иран Ислам Республикасынын нүвә програмы илә бағлы јени һесабат јајыб.
Сәнәддә билдирилиб ки, Иран Ислам Республикасынын “Фордо” јералты нүвә објектиндә ураны зәнҝинләшдирмәк үчүн истифадә едилән сентрифугаларын сајы мај ајы илә мүгајисәдә 2 дәфә артырылыб: “Һазырда “Фордо” нүвә објектиндә 2140 сентрифуга вар. Һалбуки аҝентлик мај ајында орада 1064 сентрифуга гејдә алыб ки, онлардан јалныз 696-сы фәалијјәт ҝөстәриб.
Әлдә олан мәлуматлара ҝөрә, јени сентрифугалардан һәләлик истифадә едилмир. Уранын зәнҝинләшдирилмәси тәхминән әввәлки сүрәтлә вә 20 %-дәк апарылыр”.
АЕБА-нын һесабатына ҝөрә, 2010-ҹу илдән индијәдәк Иран Ислам Республикасы 20%-дәк зәнҝинләшдирилмиш 189 кг уран әлдә едиб. Мајда исә бу рәгәм 145 кг олуб. Лакин јени сентрифугаларын ишә салынмасы илә уранын зәнҝинләшдирилмә сүрәти хејли артырыла биләр. Бунунла да 2013-ҹү илин апрелинә гәдәр Иран атом бомбасы истеһсал етмәк үчүн лазым олан мигдарда зәнҝинләшдирилмиш уран әлдә едә биләр.
Гејд едәк ки, атом бомбасынын истеһсалы үчүн ән азы 80% зәнҝинләшдирилмиш уран лазымдыр.
Диггәт: Хәбәрдән истифадә етдијдә мәнбәјә истинад лазымдыр
