Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Демократик Партијасы (АДП) Идарә Һејәтинин үзвләри нөвбәти иҹлас заманы ишғалчы исраилин информасија вә диаспора фәалијјәти үзрә назиринин Ирәвана сәфәр заманы гондарма ермәни ҝеносиди мемориалына ҝетмәси фактыны тәнгид едибләр.
Идарә Һејәтинин үзвләри сон вахтлар ордуда баш алыб ҝедән интиһар вә диҝәр сәбәбләрлә бағлы өлүм фактларынын артмасындан ҹидди нараһат олдуғуну билдириб вә Мүдафиә Назирлијини ордуда һәрби интизамын ҝүҹләндирилмәси, әсҝәрләрин тәһлүкәсизлијинин горунмасы истигамәтиндә тәҹили аддымлар атмаға, бу вә ја диҝәр формада баш верән өлүм фактларынын гаршысыны алмаға чағырыб.
Мүзакирә мөвзуларындан бири Суријада баш верән һадисәләрдән сонра бу өлкәдә јашајан ермәниләрин Дағлыг Гарабағ әразисинә көчүрүлмәси олуб. Онлар белә фактларын ҝүндәмә ҝәлмәсиндән ҹидди нараһат олдугларыны билдириб вә һакимијјәти өлкәнин јурисдикссијасына дахил олан әразиләрә башлајан бу ахынын гаршысыны алмаға вә лазым ҝәләрсә онларын јерләшдирилдији әразиләрә превентив зәрбәләр ендирмәјә чағырыб.
Идарә һејәти үзвләринин сөзләринә ҝөрә, Франсанын јени президенти тәрәфиндән гондарма ермәни ҝеносиди мәсәләсинин ортаја атылмасы, һәтта бу мәсәләнин дәрсликләрә салынмасы ҹәһдләрини гәтијјәтлә писләјиб вә бу ҹәһдин демократик бир өлкәдә тәһсилин сијасиләшдирилмәсинә хидмәт етдијини диггәтә чатдырыб.
Бунунла јанашы, ишғалчы исраилин информасија вә диаспора фәалијјәти үзрә назиринин Ирәвана сәфәр заманы гондарма ермәни ҝеносиди мемориалына ҝетмәси вә ҝеносид мәсәләсиндә һәр ики өлкәнин бирҝә фәалијјәт ҝөстәрмәсинин ваҹиблији барәдә бәјанатла чыхыш етмәси фактындан нараһатлыг ифадә олунуб, ермәниләрә бу ҹүр ачыг һимајәдарлыг едилмәсинин ады чәкилән режимилә (ишғалчы исраиллә) мүнасибәтләриндә өз јахын гоншулары (ИИР) илә үз-үзә ҝәлмәк рискини јашајан өлкәмизин милли марагларына гаршы јөнәлдијини диггәтә чатдырыб вә һакимијјәти гаршылыглы марагларымыза тохунан бу һәрәкәтләринә ҝөрә исраилдән изаһат тәләб етмәјә чағырыб.
Партија һәмчинин сон вахтлар екс президент Әбүлфәз Елчибәјин зәһәрләнәрәк өлдүрүлмәси илә бағлы иддиаларын ортаја ҝәлмәси вә бу иддиалар зәмининдә һүгуг мүһафизә органларынын истинтаг әмәлијјатларына башламасы мәсәләсини мүзакирә едиб вә спекулијатив мәгсәд дашыјан бу ҹүр ҹәһдләрин гаршыдан ҝәлән президент сечкиләриндә мүхалиф гүввәләри ҝөздән салмаға вә онларын мүтәшәккилијини позмаға һесабланмыш ҹәһд кими дәјәрләндириб.
Диггәт: Хәбәрдән истифадә етдикдә мәнбәјә истинад лазымдыр
