Әһли Бејт -АБНА- хәбәр аҝентлијинин вердији хәбәрә әсасән Мисир дөвләтинин президенти ҹәнаб Муһәммәд Мурси өлкәнин Хариҹи Ишләр Назиринин сабиг мүавини Абдуллаһ әл-Әшәл илә ҝөрүшүндә билдириб: “Иран Ислам Республикасына едәҹәјим сәфәр Мисир халгы вә дөвләтинин мәмафеләринә там ујғундур.”
Мурси даһа сонра дејиб: “Иран Ислам Республикасы Јахын Шәргдә хүсуси илә дә Сурија мәсәләсиндә бөјүк һәлледиҹи рола маликдир. Бәзи өлкәләрин ИИР гаршысында апардыглары мәнфи сијасәтә бахмајараг мән өлкәмизин Ислам Республикасы илә олан әлагәләринә давам етдирмәјдә исрарлыјам.
Хатырладаг ки, сон ҝүнләрдә Мурси ҹәнабларынын ИИР-а сәфәр етмәси вә Гошулмама Һәрәкатынын Лидерләринин 16-ҹы Зирвә Топлантысында иштирак етмәси илә бағлы Авропа Бирлији вә хүсуси илә дә АБШ кәскин сүрәтдә өз наразылығын билдирмиш вә Мурсини Теһран сәфәриндән сахламаға чалышмышлар. Лакин бүтүн бу тәзјигләрә бахмајараг Муһәммәд Мурси ҹәнаблары Чинә сәфәр етдијдән сонра Теһрана, Гошулмама Һәрәкаты Лидерләринин 16-ҹы Зирвә Топлантысында иштирак етмәјдән өтрү јолланаҹағын билдирмишдир.
Диггәт: Хәбәрдән истифадә етдикдә мәнбәјә истинад лазымдыр
