Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назиринин Асија вә Сакит океан өлкәләри үзрә мүавини Аббас Арагчи ИИР-да гејри гануни фәалијјәтлә мәшғул олдуғуна ҝөрә һәбс едилән азәрбајҹанлы шаирләр барәсиндә билдириб. “Иран Ислам Республикасы азәрбајҹанлы шаирләрин мәһкәмә просесинин ганун чәрчивәсиндә кечирилмәсиндә мараглыдыр”.
О дејиб: “Азәрбајҹан шаирләри ганунсуз һәрәкәтләринә ҝөрә сахланылыблар. Мән буну Азәрбајҹан хариҹи ишләр назири Елмар Мәммәдјаров илә буҝүнки ҝөрүш заманы назирин нәзәринә чатдырдым вә ону марагландыран суаллара ҹаваб вердим. Мүзакирәләрдән сонра Азәрбајҹан тәрәфи шаирләрин Иран Ислам Республикасы әразисиндә фәалијјәтләринин ганунсуз олдуғуну етираф едиб.
Дипломат һазырда шаирләрин иши илә бағлы мәһкәмә гәрарыны ҝөзләдикләрини билдириб: “Һәр бир ҹинајәт ишинә бахыш гануна ујғун шәкилдә апарылмалы вә һеч ким ганундан кәнар гача билмәз. Иран Ислам Дөвләти мәһкәмә просесинин ганун чәрчивәсини истәјир вә буна јардым ҝөстәрмәјә чалышыр”.
А.Арагчинин сөзләринә ҝөрә, Иран Ислам Республикасы сахланылан шәхсләрин Азәрбајҹанын баш консуллуғунун нүмајәндәләри вә гоһумлары илә ҝөрүшмәк үчүн шәраит јарадыб.
О, шаирләрин ганунсуз һәтәкәтләриндән бири кими, онларын шер фестивалында иштирак етмәмәләрини ҝөстәриб.
Хатырладаг ки, поезија фестивалында иштирак етмәк үчүн бу ил апрелин 29-да Иран Ислам Республикасына ҝетмиш “ҝәнҹ шаирләр” Фәрид Һүсејн вә Шәһријар Һаҹызадә мајын 2-дә, Бакыја гајытмалы олдуглары ҝүн ганунсуз фәалијјәтләрлә мәшғул олдугларына ҝөрә һәбс олунублар.
Диггәт: Хәбәрдән истифадә етдикдә мәнбәјә истинад лазымдыр
