Әһли Бејт -АБНА- хәбәр аҝентлијинин вердији хәбәрә әсасән Милли Мәҹлисин сәдр мүавини, Азәрбајҹанын АТӘТ ПА-дакы нүмајәндә һејәтинин рәһбәри Баһар Мурадова билдириб: “Суријадакы етник ермәниләрин Азәрбајҹанын ишғал олунмуш әразиләринә ганунсуз олараг көчүрүлмәси мәсәләси АТӘТ Парламент Ассамблејасынын (ПА) бүтүн тәдбирләриндә, о ҹүмләдән јахын вахтларда кечириләҹәк пајыз сессијасында Азәрбајҹан нүмајәндә һејәти тәрәфиндән галдырылаҹаг”.
О сөјләјиб ки, сессијаны ҝөзләмәјә еһтијаҹ јохдур. Чүнки, Азәрбајҹан нүмајәндә һејәти илә АТӘТ ПА арасында јахшы әлаәгләр мөвҹуддур вә бундан лазымынҹа истифадә едиләҹәк. Онун сөзләринә ҝөрә, тәкҹә Азәрбајҹан нүмајәндә һејәти дејил, о ҹүмләдән бүтүн Азәрбајҹан вәтәндашлары вә ҝәнҹләри Суријадакы етник ермәниләрин Гарабаға көчүрүлмәси мәсәләсини интернет васитәсилә дүнја иҹтимаијјәтә чатдырмалыдыр. Ермәнистан тәрәфинин ачыг шәкилдә дүнјадакы етник ермәниләри ишғал етдикләри Азәрбајҹан әразиләринә көчүрдүкләрини етираф етмәси бу өлкәнин бејнәлхалг һүгугун принсипләринә мәһәл гојмадығыны бир даһа сүбут едир.
Б.Мурадова дејиб: “Биз бу мәсәләдә дә дүнја иҹтимаијјәтинин гынағыны ермәниләрә гаршы јөнәлтмәји баҹармалыјыг вә бу мәсәләни дүнја иҹтимаијјәтинин вә медианын диггәтиндә кәнарда гојмамалыјыг. Биз буна гәти етиразымызы билдиририк. Чүнки, дүнјанын истәнилән јериндән, о ҹүмләдән Суријадан Азәрбајҹанын ишғал олунмуш әразиләринә гејри-гануни олараг етник ермәниләрин көчүрүлмәси бејнәлхалг һүгугун бүтүн принсипләринә вә мүһарибә ганунларына зиддир”.
P.S: Гејд едәк ки, Азәрбајҹан рәсмиләри Гарабағ вә мәсәләсинин һәллиндә бүтүн азәрбајҹанлы гачгынларын Гарабаға гајыдараг вә Гарабағда мүнагишәдән өнҹә јашајан ермәниләр илә бирҝә орада референдум кечиртсинләр. Сәс чохлуғу илә Гарабағ мәсәләси һәллин тапсын. Амма инди билмәјәнләр бисин ки, АБШ, Авропа бирлији, сионист исраил режими, Сәуди Әрәбистан, Гәтәр вә Түркијә Сурија мәсәләсини биләрәкдән гызышдырыб Сурија ермәниләрини Азәрбајҹанын ишғал олмуш торпагларында јерләшдирмәклә Азәрбајҹан халгына һансы сарсыдыҹы зәрбәни ендирибләр.
Диггәт: Хәбәрдән истифадә етдикдә мәнбәјә истинад лазымдыр
