Әһли Бејт -АБНА- хәбәр аҝентлијинин вердији хәбәрә әсасән “АСАЛА” ермәни террор тәшкилаты Түркијәни һәдәләјиҹи бәјанатла чыхыш едиб.
Ермәни вә хариҹи мәтбуатда инҝилис дилиндә дәрҹ олунан бәјанатда “АСАЛА” ермәни террор тәшкилаты билдириб ки, Түркијәнин гоншу дөвләтләрә гаршы јеритдији сијасәт јекунда онун өзүнүн реҝионда тәҹрид олунмасына апарыр: «Ирагын суверенлијинә тәһлүкә, Суријадакы бөһрана бирбаша һәрби мүдахилә, Ермәнистанын 20 иллик блокадасы, Ирана гаршы икиүзлү сијасәт, Кипр вә Јунаныстана гаршы торпаг иддиалары, күрдләрин тәгиб олунмасы Түркијәни реҝионда гејри-сабитлик мәркәзинә чевириб».
«Биз Түркијәнин прогрессив иҹтимаијјәти вә зијалыларыны хәбәрдар едирик ки, Османлы империјасынын бәрпасы идејасы әвәзиндә, онлар өз гаранлыг кечмиши илә барышсынлар, диҝәр халгларын вә гоншу дөвләтләрин һүгугларына һөрмәтлә јанашсынлар. Әкс һалда бу, әсрләрлә Түркијәјә гаршы топланан нифрәти вә дүшмәнчилији даһа да артыраҹаг», - дејә бәјанатда вурғуланыр.
Диггәт: Хәбәрдән истифадә етдикдә мәнбәјә истинад лазымдыр
