Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Ислам Шурасы Мәҹлисинин спикери Доктор Әли Лариҹани Лондон 2012 Олимпиадасында иштирак етмиш ИИР-ын әлил вә ветеранлардан ибарәт Милли Идман Камандасы илә ҝөрүшүндә журналистләрин “Пан Ҝи Мунун Гошулмама Һәрәкатынын Саммитиндән имтина етмәсинә неҹә бахырсыныз” сулына ҹваб олараг билдириб: “БМТ Баш катибинин Гошулмама Һәрәкатынын Теһранда баш тутаҹаг саммитиндә иштиракдан имтина етмәси тәдбирин кечирилмәсинә тәсир ҝөстәрмәјәҹәк. Әслиндә бу аддым БМТ-нин нүфуз даирәсин кичилдмәсинә сәбәб ола биләр”.
Доктор Әли Лариҹани Гошулмама Һәрәкатынын БМТ-нин фәалијјәтинә тәсир ҝөстәрән механизмә малик олдуғуну билдирәрәк дејиб: “Гошулмама Һәрәкатына үзв өлкәләрин БМТ-дәки ролу һәддиндән артыг бөјүкдүр. БМТ тәсирини бүтүн дүнјаја јајмаг истәјирсә, саммитдә нүмајәндәләринин иштиракы ҝәрәклидир. БМТ нүмајәндәләри Гошулмама Һәрәкатынын саммитиндә иштирак етмәсәләр, тәшкилатын дүнјадакы нүфузуна мәнфи тәсир дәјәҹәк”.
Ислам Шурасы Мәҹлисинин спикери, Мисир Президенти Мәһәммәд Мурсинин саммитдә иштиракы тәсдигләмәсинә дә тохунараг дејиб: “Мисир президентинин Теһранда кечириләҹәк саммитдә иштиракы онун фәалијјәтинә мүсбәт тәсир ҝөстәрәҹәк. Ислам дүнјасынын апарыҹы өлкәләри олан Иран вә Мисирин мәдәни вә сосиал бахымдан бир чох бағлылыглары вар. Тәәссүф ки, Һүсни Мүбарәкин һакимијјәтин дөврүндә өлкәләр арасында әлагәләр кәсилмишди. Үмидварам ки, Мәһәммәд Мурсинин Иран Ислам Республикасына сәфәри ики өлкә арасында јахынлашма үчүн јахшы зәмин јарадаҹаг”.
Диггәт: Хәбәрдән истифадә етдикдә мәнбәјә истинад лазымдыр
