Әһли Бејт -АБНА- хәбәр аҝентлијинин вердији хәбәрә әсасән августун 17-си - мүгәддәс Рамазан ајынын сон ҹүмә ҝүнү иди. Һәр ил дүнја мүсәлманлары бу ҝүнү Бејнәлхалг Гүдс ҝүнү кими гејд едир. Бу мүнасибәтлә мүххтәлиф чеврәләри тәмсил едән инанҹлылар тәрәфиндән Азәрбајҹан Ислам Һәрәкатынын әзиз шәһиди Һаҹы Вагиф Абдуллајевин мәзары зијарәт едилиб.
Анма мәрасиминдә чыхыш едән Ичәришәһәр "Ҹүмә" мәсҹидинин имам-ҹамааты, илаһијјатчы-философ Һаҹы Илгар Ибраһимоғлу вурғулајыб ки, Исламда нә варса, Гүдс ҝүнүндә дә вар. "Маһијјәтҹә сионист режимин гондарма Гарабағдакы ишғалчы режимлә һеч бир фәрги јохдур. Биз һәм дә буҝүнкү Гүдс ҝүнүндә мүсәлман өлкәләринә, мүсәлман дөвләт рәһбәрләринә, мүсәлман топлумларына мүраҹиәт едәрәк Гарабағ дәрдимизи хатырладырыг. Гарабағ гәсбини, гәсбкар Ермәнистанын етдији зүлмләри хатырладыр вә үмид едирик ки, бүтүн Ислам топлумунда Фәләстин вә Гарабағ мөвзусунда үмуми бир бахыш формалашар.
Бу ил Аллаһ топлумумуза әзиз бир шәһид гисмәт едиб. Белә гәрара ҝәлдик елә бу ил Гүдс ҝүнү тәдбирләринә әзиз һиҹаб шәһидимиз Һаҹы Вагифи зијарәт етмәклә башлајаг", - дејә чыхыш заманы Һаҹы Илгар билдириб.
"Тәкамүл" Тәрҹүмә мәркәзинин рәһбәри, илаһијјатҹһи Һаҹы Ҹејһун Ҹәфәров чыхышы заманы хатырладыб ки, Гүдс ҝүнү мәзлумларын һајгыртысы ҝүнүдүр. "Гүдс ҝүнү мәзлум халгларын дүнја империализминә "дур!" дејән ҝүнүдүр. Мүсәлман вә ја гејри-мүсәлман олмасындан аслылы олмајараг, һәр һансы халгын ки, һаггы тапданыб, торпағы ишғал олунуб, Гүдс ҝүнү онун ҝүнүдүр", - Һаҹы Ҹејһун гејд едиб.
"Һаҹы Вагиф дәјәрли инсан иди, дәјәрли мөмин иди. Аллаһ Тәала дәјәрләрә ҝөрә сечәрәк бәндәләринә мәгам әта едир. Әҝәр Азәрбајҹанда биз шәһидлијин дәрәҹәсини дәрк етмәсәк, биз һәгигәтдә дә шәһидпәрвәр халга чеврилмәсәк, бизим торпагларымыз һеч вахт азад олмајаҹаг.
Бү ҝүн Ислам ҝүнүдүр, мүгәддәс ҝүндүр. Гүдс азад олунмаса, диҝәр гәсб вә ишғал олунмуш оҹаглар һеч заман азадлыға говушмајаҹаг" - Нардаран ағсаггалыКәрбәлаји Натиг Кәримов чыхышы заманы белә билдириб.
Чыхышлар заманы гејд олунуб ки, мәһз Гүдс ҝүнүндә шәһид Һаҹы Вагифин мәзары башында топланмаг өзү дә Гүдс ҝүнүнүн фәлсәфәсиндән ирәли ҝелир.
Зијарәт әснасында бир гәдәр әввәл мәһбәсдә дүнјасыны дәјишән Азәрбајҹан Ислам Һәрәкатынын Давамчысы, нөвбәти виҹдан мәһбусу шәһид Һаҹы Фүзули дә анылыб. Һәр ики шәһидлә јанашы, бүтүн шәһидләримиз бир даһа дәрин еһтирамла јад едилиб, руһларына салават дејилиб.
Диггәт: Хәбәрдән истифадә етдикдә мәнбәјә истинад лазымдыр
