Әһли Бејт -АБНА- хәбәр аҝентлији- Хәбәр верилдији кими, АБШ-ын нүфузлу арашдырма мәркәзләриндән бири олан " PEW " Арашдырма Мәркәзи бир нечә ил әрзиндә мүсәлман өлкәләриндә ҝениш сорғу кечириб. Мүсәлманларын 67%-нин јашадығы 39 өлкәдә апарылан сорғулар јекунлашыб. Азәрбајҹанын да дахил олдуғу һәмин өлкәләрдә үмумиликдә 39 мин мүсәлманла үзбәүз сорғу кечирилиб вә әһалинин нечә фаизинин намаз гылдығы, оруҹ тутдуғу, Имам Заман Ағанын (ә.ф) зүһуруна инандыглары вә с. һагда мәлуматлар арашдырылыб.
Сорғунун нәтиҹәләрини шәрһ едән ДЕВАММ сәдри, Ичәришәһәр "Ҹүмә" мәсҹидинин имам-ҹамааты Һаҹы Илгар Ибраһимоғлу билдириб: "Бу сорғунун неҹә апарылмасы илә бағлы мүәјјән суаллар вар. Сирр дејил ки, Pew Research Center-ин апардығы сорғу вә арашдырмалар заман-заман мүсәлман дүнјасында кифајәт гәдәр ҹидди мүбаһисәләр јарадыб. Белә ки, бу гурумун сырф тәдгигатчы јанашма сәрҝиләмәмәси, әслиндә тәдгигатларын һарадаса сијаси көкәнли олмасы иддиа олунур.
Азәрбајҹанда бу арашдырма кимин арасында, һансы методика үзрә, неҹә апарылыб вә с. бу кими мәсәләләр ајдын дејил.
Нәтиҹәләрә ҝәлдикдә, биздә намаз гыланларын әһалинин 70%-и, оруҹ тутанларын 43% олмасы иддиа едилир. Гејд едәк ки, әнәнәви олараг, бизим өлкәдә оруҹ тутанларын сајынын намаз гыланларлардан чох олмасы мүшаһидә едилир. Оруҹ тутанларын да сајынын 43% олмасы суал доғурур.
Мәсҹидә ҝедәнләрә ҝәлдикдә исә, дүшүнмүрәм ки, биздә әһалинин јалныз 1 фаизинин мәсҹидә ҝетмәсини иддиа етмәк олар. Сорғунун мүәллифләри дә билдирирләр ки, респондентләрин 73 фаизи намаз гылдыгларыны бәјан едирләр. Бир мәсәлә дә вар ки, Pew Research Center бәлкә нәзәрә алмајыб ки, христиан дининдән фәргли олараг, Исламда ибадәт үчүн кешиш кими бир васитә вә килсә кими бир хүсуси мәкан зәрури дејил. Бу бахымдан, мәсҹидләрә ҝедиб-ҝетмәмә башга бир парадигманын мөвзусудур.
Ашура, Фитр вә Гурбан бајрамлары кими тарихләрдә инсанларымызын бәлкә дә јарасындан чоху мәсҹидләрә ахышыр. Белә олан һалда, илдә, ајда, һәфтәдә бир дәфә мәсҹидә ҝетмәклә бағлы мүхтәлиф нәтиҹәләр әлдә едиләҹәк вә мүхтәлиф експерт гијмәтләндирмәләри ортаја чыхаҹаг.
Башга мәсәлә ки, биздә олан мәсҹидыләрин сајы вә тутуму тәләбата гәтијјән адекват дејил. Биз дәфәләрлә вурғуламышыг ки, елә Бакынын өзүндә азы 1000 мәсҹид олмалыдыр. Јәни инсанлар истәсә дә, мәсҹид вә ибадәтҝаһлара ҝедә билмирләр - әлчатарлылыг бахымындан, јерин дарлығы бахымындан кифајәт гәдәр проблемләр вар.
Хәбәр хидмәти
Диггәт: Хәбәрдән истифадә етдикдә мәнбәјә истинад лазымдыр
