Әһли Бејт -АБНА- хәбәр аҝентлијинин вердији хәбәрә әсасән Гарабағ Азадлыг Тәшкилаты (ГАТ) Ичғалчы Ермәнистан Дөвләт Ҝәнҹләр Оркестринин Бакыда консерт вермәси илә бағлы бәјанатла чыхыш едиб.
ГАТ мәтбуат хидмәтиндән верилән мәлумата ҝөрә, бәјанатда билдирилиб ки, ГАТ-ын мөвгеји бирмәналыдыр вә истәнилән сәвијјәдә, форматда Ермәнистан вә Азәрбајҹан ҹәмијјәтләри арасында тәмасын әлејһинәдир: “Бу, јалныз ермәниләрин марагларына хидмәт едир. Чүнки, белә лајиһәләр ишғал фактынын унутдурулмасына вә Ермәнистанын ишғал олунмуш әразиләрдә мөһкәмләнмәсинә јөнәлиб. Бејнәлхалг мәркәзләр дә ермәнипәрәст мөвгедән чыхыш едәрәк, бу мәгсәдә хидмәт едирләр. Она ҝөрә дә белә лајиһәләр тәшкил олунур”.
ГАТ бу лајиһәнин Бакыда реаллашдырылмасына имкан вермәјәҹәјини дә гејд едиб: “Консертин баш тутмамасы үчүн бүтүн васитәләрдән истифадә едәҹәјик. Бу консертә ҝәләнләр дә, иши тәшкил едәнләр дә, пешман олаҹаглар”.
Гејд едәк ки, Ишғалчы Ермәнистан Дөвләт Ҝәнҹләр Оркестринин 10 мусигичиси “I, Culture Orchestra” лајиһәси чәрчивәсиндә Бакыда консерт програмы илә чыхыш едәҹәкләр.
Диггәт: Хәбәрдән истифадә етдикдә мәнбәјә истинад лазымдыр
