Әһли Бејт -АБНА- хәбәр аҝентлијинин вердији хәбәрә әсасән Ермәнистан күтләви информасија васитәләри Аланд адаларында Азәрбајҹан вә Ермәнистан мусигичиләринин бирҝә консерт програмы илә чыхыш едәҹәји барәдә мәлумат јајыблар.
“Ајкакан жаманак” гәзети Азәрбајҹан, Ермәнистан вә Аланд адаларындан олан 13 ҝәнҹ мусигичинин Мариенхамнда тәҹрүбә мүбадиләси апардығыны, мастер-класслар тәшкил етдијини, мүзакирәләр апардығыны јазыб.
Сүлһ Институтунун тәшкилатчылығы илә кечирилән консертлә “Дүнјанын адалары” фестивалына старт вериләҹәј.
Гәзет Азәрбајҹан вә Ермәнистандан олан мусигичиләрин ејни сәһнәни бөлүшдүрәҹәјини билдириб вә Азәрбајҹан тәрәфдән бу тәдбирә фортепиано ифачысы, ҹазмен Емин Әфрасијабын, Исҝәндәр Әләсҝәровун (трјумор), Пәрвиз Мәммәдовун (бас-ҝитара), Малик Мансуровун (тар, саз), Ширзад Фәтәлијевин (балабан) вә Назим Кәримовун иштирак етдијини јазыб.
АПА-нын арашдырмалары нәтиҹәсиндә мәлум олуб ки, консертин тәшкилатчысы олан Аланд адаларындакы Мусиги Институтудур. Консертдә Азәрбајҹан мусигичиләринин иштиракыны тәмин етмәк үчүн һәмин институт тәрәфиндән Бөјүк Британијанын Мүһарибә вә Сүлһ Арашдырмалары Институтунун Азәрбајҹандакы нүмајәндәлијинин рәһбәри Шаһин Рзајевә дәвәт ҝөндәрилиб. Шаһин Рзајев исә консертдә иштирак тәклифи илә ҹазмен Емин Әфрасијаба мүраҹиәт едиб.
Диггәт: Хәбәрдән истифадә етдикдә мәнбәјә истинад лазымдыр
