Әһли Бејт -АБНА- хәбәр аҝентлијинин вердији хәбәрә әсасән мәсҹидләрдә охунмасы үчүн ГМИ тәрәфиндән хүсуси хүтбәләр һазырланыр. Бу сөзләри Гафгаз Мүсәлманлары Идарәсинин (ГМИ) сәдри, шејхүлислам Аллаһшүкүр Пашазадә Газиләр Шурасынын топлантысында сөјләјиб. ГМИ сәдри билдириб ки, Дин хадимләримиз дә һәр ај бунунла бағлы ујғун һесабатлар верәҹәкләр. Гејд едәк ки, хүсусилә “әрәб баһарынын” халгын гәләбәси илә јекунлашдығы өлкәләрдә -Тунис, Мисир вә Ливијада Ҹүмә хүтбәләринин ҹидди әһәмијјәти үзә чыхыб. Һазырда Суријада да Әсәд режиминә гаршы әсас тәшкилатланма вә халгы мүбаризәјә чағырышлар Ҹүмә хүтбәләри заманы олур. Бу мәнада Азәрбајҹандакы мәсҹидләрдә дә хүтбәләрин ваһид мәркәздән идарә едилмәсинин сәбәбләрини баша дүшмәк олар. Бәс ҝөрәсн Гафгаз Мүсәлманлары Идарәсинин мәсҹидләрдә ҹүмә хүтбәләринин мөвзу вә мәзмунуну мүәјјән етмәси нәдән гајнагланыр?
Мөвзу илә бағлы Исламинсеси.аз-а Азәрбајҹан Ислам Партијасынын (АИП) сәдр әвәзи Елчин Манафов ачыглама верди: Ачығы бу мөвзујла бағлы мәлумат алан кими мүнасибәт билдирмәк истәмишәм. Нә јахшы ки, сиз бу барәдә мәнә мүраҹиәт етдиниз. Габагҹадан дејим ки, демәјә сөзүм олдуғу үчүн, диҝәр тәрәфдән бир руһани, илаһијјатшүнас мүәллим олараг бојнумда вәзифә билиб бу мөвзуја сәтһи јанаша билмәрәм. Бир дә ки, бу мониторинг дејил ки, суала бәли-хејир дејәрәк иши битмиш биләк. Мән әввәлләр дә демишәм, инди дә дејирәм ҝүнаһ өзүмүздәдир. Башымыза ҝәләнләр сүстлүјүмүз, динимизә лагејд олмағымыздан ирәли ҝәлир. Бәзиләри бу сөзләрими чағырыш кими гијмәтләнидирир. Һәтта бу сөзләримә ҝөрә 2011-ҹи ил јанварын 9-да, Мөвсүм Сәмәдовун һәбсиндән 2 ҝүн сонра мәнә 10 ҝүнлүк инзибати һәбс ҹәзасы да верилмишди. Амма мәним сөзүм будур ки, мәсәләләрә лагејд олмајаг. Һәр һансы бир мәсәләјә вахтында мүнасибәт билдирәк. Шәхсән мән өзүм әввәлдә гејд етдијим кими бу мәсәләјә мүнасибәтимдә ҝеҹикдијим үчүн нараһат идим. Аллаһ сиздән разы олсун ки, бу мөвзуда сөз ачдыныз. Чох вахт һәр һансы бир гануну гәбул етмәмишдән ҝөрүрсән ки, бу мәсәлә бир шајә кими дилләрдә доланыр, сонра јаваш-јаваш бәзи мәтбуатларда ҝедир, сонунда исә бир дә бахырсан ки, мәсәлә артыг милли мәҹлисдә мүзакирә олунур. Буна мисал олараг азан гадағасы, мәсҹид сөкүлмәси, мәдрәсәләрин бағланмасы, дини дәрсләрә, дини китаблара гадаға гојулмасы, зијарәтләрә мәһдудијјәт, јас мәҹлисләринә мәһдудијјәт, дини фәалијјәтләрә, дини тәдбирләрин кечирилмәсинә, руһани тәләбәләрин тәблиғатына, мәҹлис апармағына мәһдудијјәт вә сонунда да һиҹаба гадағаны дејә биләрик. Билмәлијик ки, бу мәсәләләрдә һеч кәс истәр диндар, истәрсә дә гејри-диндар, истәр садә халг, истәр һакимијјәт, истәр мүхалифәт- өзүнү мүсәлман сајан һәр кәс бу мәсулијјәтдән кәнарда гала билмәз. Садәҹә диндарларын диҝәр мәсулијјәти дә вар ки, ислам вә ислами ајинләрин маарифиндә даһа артыг сәј ҝөстәрмәлидирләр. Әҝәр мүсәлман олараг дини ајинләримизә дәјәр версәк, онларын горунмасы илә јанашы, һәм дә маарифиндә тәлаш ҝөстәрмәлијик. Истәр һакимијјәтдә оланлар, истәр мәмур, истәрсә дә садә инсанлар әҝәр дини ајинләрин фәлсәфәси вә ҝөзәлликләри илә јахындан таныш олсалар, нәин ки, мүхалиф олмазлар, һәтта сон дәрәҹә һөрмәтлә јанашарлар. Ахы һәр кәсин гәлбиндә мүәјјән гәдәр иман вар. Һеч кәс имансыз дејил. Һәзрәти Әли (ә) бујурур: Инсанлар билмәдикләринә, танымадыгларына гаршы чыхарлар. Ким өз дининә, инанҹына нәтиҹәдә Аллаһына зидд чыха биләр. Ҹүмә хүтбәләринә ҝәлдикдә, дедијим кими әҝәр онун маһијјәти, ҹәмијјәтдә әхлаги вә мәнәви тәсирләри доғру-дүзҝүн чатдырыларса инанмырам кимисә нараһат едә. Һәр кәс јашадығы мүһитин, ҹәмијјјәтин әхлаглы вә сағлам олмағыны истәмәзми?
Диггәт: Хәбәрдән истифадә етдикдә мәнбәјә истинад лазымдыр
