Әһли Бејт -АБНА- хәбәр аҝентлијинин вердији хәбәрә әсасән Үмум Дүнја Али Дини Лидер, Сејид Әли Хаменеи өлкә рәсмиләри илә ҝөрүшүндә дејиб: “Бир заманлар ИИР ҝәмиләрини һәдәф алан вә нефт платформаларыны бомбардман едән дүшмән бу ҝүн Ислам Республикасына јахынлашмаға ҹүрәт белә едә билмәз”
Имам Хаменеи һәзрәтләринин сөзләринә ҝөрә, Иран Ислам Республикасына гаршы санксијалара гошулан диҝәр өлкәләр исә бу ојунун ојунчуларыдыр: “Анҹаг АБШ вә Исраилин тәзјиг вә зорбалыг сијасәтини бу шәртләрдә давам етдирмәси мүмкүн дејил. Елә ИИР-на гаршы тәтбиг олунмуш санксијадан 20 өлкәнин азад едилмәси вә бәзи Гәрб өлкәләринин дә бу санксијалардан јајынмаг сәјләри мөвҹуд шәртләрдә бу сијасәтин давам етмәсинин гејри-мүмкүн олдуғуну ҝөстәрир. Бу да мүгавимәти давам етдирмәјимизин лабүд олдуғуну ортаја гојур”.
Имам Хаменеи чыхышынын давамында билдириб: “Тәзјигләр вә санксијалар сәбәбиндән Иран халгы вә рәсмиләри өз тутдуглары мөвгеләрини јенидән нәзәрдән кечиртмәјәҹәкдир. Биз мөгејимизи дәјишмәјәрәк даһа етибарла Иран халгынын истәдији јолана давам едәҹәјик. Бир нечә империалист дөвләтин Иран Ислам Республикасына гаршы чыхмасынын сәбәби нүвә програмы дејил, онлар өлкәмиздәки мөвҹуд гурулушу истәмирләр. Бир заманлар Иран Ислам Республикасы ҝәмиләрини һәдәф алан вә нефт платформаларыны бомбардман едән дүшмән бу ҝүн Ислам Республикасына јахынлашмаға ҹүрәт белә едә билмәз”.
Диггәт: Хәбәрдән истифадә етдикдә мәнбәјә истинад лазымдыр
