Әһли Бејт -АБНА- хәбәр аҝентлијинин вердији хәбәрә әсасән бир нечә ҝүн әввәл әлијевләр режиминин һәбсханасында дүнјасыны дәјишән Азәрбајҹан Ислам Партијасынын (АИП) сәдр мүавини Вагиф Абдуллајевин өлүмү илә бағлы тибби експертизанын рәји ачыгланыб.
Сәһијјә Назирлији Мәһкәмә-Тибби Експертиза вә Патоложи Анатомија Бирлијинин баш директору профессор Шакир Мусајев АПА-ја ачыгламасында билдириб ки, В. Абдуллајевин мејитинин мүајинә заманы онун үзәриндә һәр һансы хәсарәт ашкар едилмәјиб. Експертизанын рәјинә әсасән В. Абдуллајевин өлүмүнә үрәјин ишемик хәстәлији, бөјрәк чатышмазлығы, һипертрофија вә ән әсасы хәрчәнҝ хәстәлији (сүмүк хәрчәнҝи) сәбәб олуб.
Гејд едәк ки, В. Абдуллајев ијулун 12-дә әлијевләр режиминин зинданында билә-билә шәһадәтә јетирилиб. Мөвҹуд режим В. Абдуллајеви 2011-ҹи илдә гондарма бәһанәләрлә, о ҹүмләдән Ҹинајәт Мәҹәлләсинин 214.2.1 (Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг); 214.2.3 (Одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг); 228.3 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә); 278-ҹи (Һакимијјәти зорла әлә кечирмә вә ја ону зорла сахлама) маддәләри илә ШӘРРЛӘЈӘРӘК Бакы Ағыр Ҹинајәтләр Мәһкәмәсинин әдаләтсиз гәрары илә 11 ил мүддәтинә азадлыгдан мәһрум етмишдир.
P.S. Шәһид Вагиф Абдуллајевин бәдәниндә һәр һансы бир хәсарәт изи олмаса да лакин әлијевләрин билә-билә ағыр хәстәликләрә дүчар олан бир адамы истинтагсыз зиндана салараг орада гәтлә јетирмәси ТАРИХИН ән бөјүк ҸИНАЈӘТИДИР.
Диггәт: Хәбәрдән истифадә етдикдә мәнбәјә истинад лазымдыр
