Әһли Бејт -АБНА- хәбәр аҝентлијинин вердији хәбәрә әсасән АИП лидери Мөвсүм Сәмәдовун вәкили һүгугларыны горудуғу шәхслә ҝөрүшә бурахылмыр. Бу барәдә онун вәкили Анар Гасымлы мәлумат вериб.
Вәкилин сөзләринә ҝөрә, Пенитенсиар Хидмәтдән ҝөрүш үчүн мәктуб тәгдим етсә дә, 11 сајлы Ҹәза Чәкмә Мүәссисәсинин рәиси Фикрәт Гафаров ону Һаҹы Мөвсүм Сәмәдовла ҝөрүшә бурахмыр. “Ҝаһ дејир ордеринин әслини ҝәтир, ҝаһ да дејир ки, бу ҝүн иш ҝүнү дејил. Бу һал Һаҹы Мөвсүм Сәмәдовла бағлы һансыса нараһатчылыг олдуғуна вә рәисин буну ҝизләтмәк истәмәсинә даир әсаслы шүбһәләр јарадыр!”-дејә вәкил әлавә едиб.
Гејд едәк ки, АИП лидери партијанын баш мәҹлисиндә һакимијјәтин әлејһинә тәнгиди фикирләр сәсләндирдикдән сонра һәбс едилиб. О, АИП-ин диҝәр үзвләри илә јанашы узун мүддәтли азадлыгдан мәһрум олунуб. Артыг һәбс едилән 5 АИП функсионериндән бири Вагиф Абдуллајев бир нечә ҝүн бундан өнҹә һәбсханада дүнјасыны дәјишиб.
Әсассыз иттиһамларла һәбс олунан Ислам Партијасынын сәдри Мөвсүм Сәмәдов 12 ил, мүавини Вагиф Абдуллајев 11 ил, Руфулла Ахундзадә 11 ил 6 ај, Фирдовси Мәммәдрзајев 10 ил, Дәјанәт Сәмәдов 10 ил, Фәрамиз Аббасов 11 ил мүддәтинә азадлыгдан мәһрум едилибләр. Зүлфүгар Микајылов исә 5 ил сынаг мүддәтилә, 11 иллик шәрти ҹәзаја мәһкум олунуб.
Диггәт: Хәбәрдән истифадә етдикдә мәнбәјә истинад лазымдыр
