“Вагиф Абдуллајевин өлүмү илә бағлы һәр һансы бир сөз демәјә еһтијаҹ јохдур. Чүнки Вагиф Абдуллајев бариз шәһидлик вә мүбаризлик нүмунәсидир. Хош һалына ки, мүбаризә уғрунда дүнјасыны дәјишди.” Бу сөзләри АИП-ин һәбсдәки сәдр мүавини Вагиф Абдуллајевин өлүмү илә бағлы ФактХебер.ҹом-а ачыглама верән партијанын сәдр әвәзи Елчин Манафов сөјләјиб. АИП сәдри ону да гејд етди ки, Вагиф Абдуллајев ади јатагда јох, мәһз мүбаризә мејданында дүнјасыны дәјишди: “Имам Һүсејн(ә) бујуруб ки, хош о, кәсләрин һалына онлар јатдыглары јердә јох, мүбаризә мејданында дүнјаларыны дәјишәрләр. Вагиф Абдуллајев дә әгидәси уғрунда өз ҹанындан кечди.О, бизим үчүн ҝөзәл нүмунәләрдәндир. Аллаһ рәһмәт еләсин.”
Вагиф Абдуллајевин гејри-гануни вә ҝүнаһсыз јерә ағыр бир ҹәзаја мәһкум олундуғуну билдирән Елчин Манафов, “барәсиндә һәр һансы бир истинтаг иши апарылмадан вә сүбутлар ҝәтирилмәдән ону 11 ил азадлыгдан мәһрум етмишдиләр”,-дејә билдирди: “Инсана бундан ағыр мәнәви сарсынты ола билмәз. Белә ки, сәнә гаршы һеч бир сүбут вә дәлил ҝәтирмәдән әсассыз јерә 11 ил һәбс ҹәзасы верирләр. Бу ҹәзаја дөзмәјә Вагиф Абдуллајевин сағламлығы имкан вермәди.”
