32 илдир ки, һеҝемон дөвләтләр Иранла дүшмәнчилик едир вә 30 илдир ки, онлар өлкәни санксијалара гаршы "ваксинасија" едибләр. Артыг санксијалар Ирана зијан вура билмир. Буну Иранын Али Дини Лидери Ајәтуллаһ әл-Үзма Әли Хамәнеи чәршәнбә ҝүнү "Ислами ојаныш вә гадын" бејнәлхалг конфрансынын иштиракчылары илә ҝөрүшүндә дејиб.Хамәнеи билдириб ки, Гәрб өлкәләри сон ҝүнләр Ирана гаршы санксијалары артырмаг ады илә һај-күј салыблар, лакин анламырлар ки, Иран халгы 30 илдир ки, елә онларын өзләри тәрәфиндән санксијалара гаршы "ваксинасија" олунуб.Онун сөзләринә ҝөрә, Иран халгы 30 илдир ки, ҹаны вә малы илә, әзизләрини гурбан вермәклә онларын мәкрли планлары вә санксијалары гаршысында дајаныб вә инкишаф едиб. "Буҝүнкү Иран 30 ил өнҹәки Иранла мүгајисәдә 100 дәфә ҝүҹлүдир", - Хамәнеи дејиб.Ајәтуллаһ Хамәнеи билдириб ки, Ислами ојаныш далғасы давам едәрсә, дүнјада бөјүк дәјишикликләрә сәбәб ола биләр вә сионистләрин вә онлары дәстәкләјән һеҝемонларын әлини мүсәлман халгларындан үзәр.Хамәнеи мүсәман гадынларын Ислами ојаныш һәрәкатында ролундан данышыб вә конфрансда иштирак едән ханымлары дүшмәнләрин мәһв етмәјә чалышдығы мүсәлман гадынынын һәгиги шәхсијјәтини јашатмаға вә тәблиғ етмәјә чағырыб."Ислами ојаныш вә гадынлар" адлы бејнәлхалг конфранс өтән ҝүн Теһранда өз ишинә башлајыб. Конфрансда дүнјанын 85 өлкәсиндән 1000-дән чох мүхтәлиф пешә саһиби олан гадынлар иштирак едир.
11 iyul 2012 - 19:30
Xəbər kodu: 328538
Ајәтуллаһ әл-Үзма Әли Хамәнеи: Буҝүнкү Иран 30 ил өнҹәки Иранла мүгајисәдә 100 дәфә ҝүҹлүдир
