Әһли Бејт -АБНА- хәбәр аҝентлији- Нохудәки ләгәби илә мәшһур олан Ајәтуллаһ Шејх Һәсән Әли Исфаһани һаггында бир чох гејдлләр, һадисәләр, вердији өјүдләр вә мәктублар мөвҹуддур. Бунларын һамысы сејри сулук јолунун давамчылары үчүн ишыгландырыҹы мәлуматлары өзүндә еһтива етмәкдәдир. Амма биз бурада, бу рәббани алимин вәсијјәтнамәсин сајтымызын изләјиҹиләринә тәгдим едирик.
Беләликлә бу бөјүк алим вә арифин бәрәкәтлә кечән 80 иллик һәјатындан сонра оғулуна һансы вәсијјәт етдијинин шаһиди олаҹағыг.
وَلَقَدْ وَصَّيْنَا الَّذٖينَ اُوتُوا الْكِتَابَ مِنْ قَبْلِكُمْ وَاِيَّاكُمْ اَنِ اتَّقُوا اللّٰهَ
"Анд олсун, биз сиздән әввәл китаб вериләнләрә вә сизләрә: "Аллаһдан горхуб чәкинин" дејә төвсијә етдик… (Ниса Сурәси, 131. Ајә)"
Бу јолда (Аллаһа бәндәчилик етмәј јолунда) тәгвадан башга һеч бир азугә јохдур.
Һалва вә чөрәкјиы бир күнҹә гој!..
Тәгвајла бүтүн шејләр әлә ҝәтирилә биләр. Әҝәр Аллаһа доғру ҝедән бу (сејри сулук) јолунда тәгва олмазса, ријазәт вә мүбаризәнин әсла бир фајдасы јохдур. Вә зәрәр вә зијандан башга бир тәсирә дә малик дејилдир. Бүтүн бунлардан әлавә бу ишин Аллаһ Тәаладан узаг галмагдан башга бир нәтиҹәси дә олмајаҹагдыр. Әҝәр бир би шәхс, бир чиллә (инзиваја чәкиләрәк едилән гырх ҝүндәлик ибадәт) бојунҹа ријазәт чәксә, амма бир сәһәр намазы гәзаја галарса тутдуғу о чилләнин боша ҝетдији ајдындындыр.
Бүтүн өмүрүм бојунҹа јалныз бир дәфә сәһәр намазым гәзаја галыб. Бир оғлум вар иди. О, ҝеҹә ону итирдим. Сәһәр вахты мәнә дедиләр ки, сәһәр намазын гәзаја галдығы үчүн бу ағыр иткијә лајиг олдун. О анда әҝәр бир ҝеҹә тәһәҹҹүд вә ҝеҹә ојаг галмағы тәрк етсәм, сәһәри ҝүнү мүтләг бир бәланын башыма ҝәләҹәјини ҝөзләјирәм.
Мәкруһ ишләрә гуршанмаг гулун (Аллаһ јанында тутдуғу али) мәгамындан енмәсинә сәбәб олар. Әкси исә, јәни мүстәһәб әмәлләри јеринә јетирмәк онун дәрәҹәсинин артмасына сәбәб олар.
Бил ки, әҝәр сејри сулук јолунда бир мәгама чатмышамса ҝеҹәләри ојаг галмагла, мүстәһәб әмәлләрә диггәт јетирмәклә вә мәкруһ әмәлләрдән чәкинмәјимин бәрәкәтиндәндир. Анҹаг бүтүн әмәлләрин тәмәли вә руһу Аллаһ Рәсулунун (сәлләллаһу әлејһи вә алиһ) дәјәрли өвладлары вә сејјидләрә хидмәт ҝөстәрмәјимдән ирәли ҝәлмишдир.
Инди еј оғулум! Сәнә бәзи лазымы әмәлләри вәсијјәт едир вә өјүд верирәм:
1. Фәрз вә ҝүндәлик ваҹиби намазларыны әввәл вахтларында гыл.
2. Инсанларын еһтијаҹларын јеринә јетирмәк үчүн һәр нә гәдәр сәј сәрф едә билирсәнсә ет. Вә әсла дәмә ки, бу бөјүк иш мәним әлимдән ҝәлмәз! Чүнки әҝәр Аллаһын гулу һагг јолунда бир аддым атмышса Аллаһ мүтләг она көмәк едәҹәкдир.
Ајәтуллаһ Нохудәкинин оғулу атасына деди: "Ата ҹан! Бәзән башгаларынын еһтијаҹларына көмк олмаг, инсанын рәзил вә рүсва олмасына сәбәб олур."
Ајәтуллаһ Нохудәки ҹаваб верди: "Оғлум! Аллаһ јолунда инсанын алчаг рүсва олмасы нә гәдәр дә ҝөзәлдир!"
3. Сејјидләрлә хејли һөрмәтлә давран. Онлара еһтирам ет. Вә һәр нә гәдәр онларын јолунда хәрҹләсән хәрҹлә. Касыбчылыг вә јохсуллуғундан чәкинмә. Әлбәтдә әҝәр вәзијјәтин чәтинләшәрсә артыг сәнин һеч бир вәзифән јохдур.
4. Тәһәҹҹүд вә ҝеҹә намазыны гылмагдан гәфләт етмә. Тәгвалы олмағы вә (писликләрдән) чәкинмәји өзүнә хасијјәт ет.
5. Тәглиддән хилас олаҹаг мигдарда (јәни иҹтиһад едәнәҹән) дини тәһсил ал. [1]
[1] Нишан әз би нишанһа; Мүәллиф: Мигдад Исфаһани, Ҹилд. 1.
Диггәт: Хәбәрдән истифадә етдикдә мәнбәјә истинад лазымдыр
