Әһли Бејт -АБНА- хәбәр аҝентлијинин вердији хәбәрә әсасән ФИФА гол хәтти технолоҝијасы вә гадын футболчуларын мејдана һиҹабла чыхмалары мөвзусунда гәрарыны верди. Бејнәлхалг Футбол Федерасијалары Бирлијиндән (ФИФА) ингилаб кими гәрарлар ҝәлди. ФИФА узун мүддәтдир мүзакирә едилән гол хәтти технолоҝијасына вә мејдана һиҹабла чыхмағы тәсдиг верди.
"Реутерс"ин хәбәриндә сон олараг Авро 2012-дә сынаг мәгсәдилә истифадә едилән гол хәтти технолоҝијасынын тәсдигләндији ифадә едилир.
Илк тәтбиги дүнја клублар кубокунда
ФИФА баш катиби Жером Валҹкенин вердији ачыгламада бу технолоҝијанын әввәлҹә декабр ајындакы ФИФА Дүнја Клублар Кубоку јарышында, сонра да 2013-ҹү илдәки Африка Милләтләр Кубоку вә 2014-ҹү илдә Бразилијадакы Дүнја Кубокунда истифадә едиләҹәјини вурғулајыб.
Һиҹаблы футболчулар мејдана
Диҝәр тәрәфдән мүсәлман гадын футболчуларын мејдана һиҹабла чыхмалары мөвзусунда да данышан Жероме Валҹке, бу мөвзуда да идманчылары сәрбәст бурахдыгларыны дилә ҝәтириб.
Асија Футбол Федерасијасы истәмишди
Асија Футбол Федерасијасы јанвар ајында "ФИФА"дан мүсәлман гадын футболчулар үчүн тәһлүкәсизлик проблеми јаратмајаҹаг һиҹаблара иҹазә вермәси үчүн мүраҹиәт етмишди. ФИФА 2007-ҹи илдә ҝуја тәһлүкәсизлик проблеми јаратмасы сәбәбилә мејданда һиҹаб ҝејилмәсини гадаған етмиш, бу гәрар Ислам өлкәләриндән бөјүк етиразлара сәбәб олмушду. Асија Футбол Федерасијасынын президенти Зһанг Жилонг ФИФА-нын 3 мартда Лондонда кечирилән јығынҹағында мөвзуну мүзакирә едәрәк, мүсбәт бир гәрар вермәсинин, "дүнјада гадын футболчуларын ҝәләҹәји бахымындан һәјати әһәмијјәтдә" олдуғуну сөјләмишди. Жилонг ојунчуларын тәһлүкәсизлијинин тәмин едилмәси үчүн јени һиҹабларын бојунларында асанлыгла ачылмаларыны тәмин едән ҹырт-ҹыртлы бантлар олаҹағыны да әлавә едиб.
ИИР Милли Командасы мәғлуб сајылды
Иран Ислам Республикасынын Гадынлардан ибарәт Милли Футбол Командасы 2012 Лондон Олимпиадалары дахилиндә икинҹи тур сечмәләриндәки Иорданија матчына чыхмадан "Ислами формалары" сәбәбијлә мәғлуб елан едилмишди.
Диггәт: Хәбәрдән истифадә етдикдә мәнбәјә истинад лазымдыр
