Әһли Бејт -АБНА- хәбәр аҝентлијинин вердији хәбәрә әсасән күлли мигдарда наркотик васитә сахламагда ШӘРРЛӘНӘН Талыш Халгынын зијалысы, һүгуг мүдафиәчиси, «Толыши Сәдо» гәзетинин баш редактору Һилал Мәммәдова әлавә иттиһамлар ирәли сүрүлүб.
Онун вәкили Анар Гасымлы АзадлыгРадиосуна билдириб ки, Һилал Мәммәдов инди һәм дә дөвләтә хәјанәтдә вә етник ајры-сечкиликдә тәгсирләндирилир:
«Ијулун 3-дә мән мүстәнтиглә бирликдә Һилал Мәммәдовла ҝөрүшдүм. О деди ки, она гаршы ирәли сүрүлән бүтүн иттиһамлар сахтадыр, она ҝөрә дә истинтага ифадә вермәјәҹәк».
Анар Гасымлы ону да әлавә едиб ки, ҹинајәт иши Бакы шәһәр Низами рајону Прокурорлуғундан алынараг Баш Прокурорлуғун Ағыр Ҹинајәтләрә Даир Истинтаг Идарәсинә верилиб.
Хатырладаг ки, мөвҹуд әлијевләр режими Талыш халгынын зијалысы, дүнја ҝөркәмли јазар Һилал Мәммәдову ијунун 22-дә күлли мигдарда наркотик маддә сахламагда сучлајараг сахламышлар. Гурама мәһкәмә онун да һаггында әдаләтсизлијә јол веррәк, 3 ајлыг һәбс гәтимкан тәдбири сечиб.
Диггәт: Хәбәрдән истифадә етдикдә мәнбәјә истинад лазымдыр
